CreativeDesignArt/DigitalVision Vectors via Getty Images
CHISHANY KU MES!
Ov, Chitwishikin Kuyisadin Antu a Ulombu wa Chikit Kushalijan mu Mutapu Utentamina?—Bibil Ulondinap Ik?
Kud antu avud, chitwishikinap kuyisadin antu a ulombu wa chikit kushalijan mu mutapu utentamina.
“Kasolikany ka ulombu wa chikit kadandamedin kuyipish yitenchik ya antu, mashakamin ma antu avud, ni kawiy kadia musul wa milong ya kwaurok. Kasolikany kinak kadandamedin kand kuyibachik antu kuyisadin akwau mu mutapu uyimp.”—António Guterres, secrétaire général des Nations Unies.
Ov, kud dichuku dikezau kuyisadin antu a ulombu wa chikit kushilijan mu mutapu utentamina? Bibil ulondinap ik?
Mutapu umeningay Nzamb antu a ulombu kushalijan
Bibil utulejin mutapu ukatay Nzamb kuman michid ya antu.
“[Nzamb] watanga muntu umwing, chad ku muntu umwing kwawiy kwadiokala michid yawonsu.”—Midimu 17:26.
“Nzamb kakwetap kasolikany pakach pa antu, bwat.” Ku michid yawonsu, muntu mwawonsu ukata kumulimish ni kusal yom yitentamina, Nzamb ukat kumwitiy.”—Midimu 10:34, 35.
Bibil ulejin anch antu awonsu ading chikunku cha dijuku dimwing ni uyitiyining antu a ulombu wa chikit kushalijan.
Kuyisadin antu a ulombu wa chikit kushalijan mu mutapu utentamina kukez kwikal kwakin
Kuyisadin antu a ulombu wa chikit kushalijan mu mutapu utentamina kukez kwikal kwakin ching mu Want wa Nzamb, udia guvernema wa mwiur. Guvernema winou uyifundishin antu mutapu wa kuyisadin antu akwau mu mutapu uwamp. Antu inay akwilej kand mutapu wa kupandakan yaku yiyimp ya kasolikany.
‘Antu akushama mwi ngand akez kilej dirumburish ditentamina’—Isay 26:9.
“Mulong antu awonsu akez kasal yom yitentamina. Chad kukez kikal chisambu ni kwiking kwa chikupu.”—Isay 32:17.
Nlel unou, mamiliyon ma antu milejin kusutin Bibil mutapu ufanyidinau kuyisadin antu akwau mu mutapu uwamp ni wa kalimish.
Mulong wa kwilej yom yivud, tang mutu wa mulong wa Réveillez-vous ! ulondina anch “Y a-t-il un remède contre les préjugés ?”.
Tang mutu wa mulong ulondina anch “Comment parler de racisme à votre enfant” mulong wa kujingunin mutapu ukutwishau anvaj kwisambin mutu wa mulong winou kwolikwau.