BIBLIOTEK Udia pa Kapend
BIBLIOTEK
UDIA PA KAPEND
Uruund
  • BIBIL
  • MIKAND
  • YIKUMANGAN
  • kp map. 24 ​-​ 27
  • “Chakwel Kangal Wawany Mu Yoziu”

Kwikil video ukimbina

Video winou umukimbinap amboku nawamp.

  • “Chakwel Kangal Wawany Mu Yoziu”
  • Chishany ku Mes!
  • Tumitu twa milong
  • Yom Yifanakena
  • Choziu cha Kusal Ik?
  • ‘Lembilany Pakad Kujing’
  • Ikal Nich Kashinsh mu Yom Uchingejina
  • Vurik Milong
  • “Sejany Piswimp Kudi Nzamb”
  • Spiritu Utumbila Ukat Kulet Usu Wa Kurish Nich Yoziu Ni Kupandakan Kuziy
    Chinong cha Kalam Chilejen Want wa Yehova—2011
  • Dandamen Kuchish ku Mes Pantaliken ni Choziu
    Chinong cha Kalam Chilejen Want wa Yehova (Cha Kwilej)—2024
  • Shakamany Kukwatijan ni Malembil ma Chilakej—Chikunku cha II
    Chinong cha Kalam Chilejen Want wa Yehova—2015
  • Twilejinany ku Mutapu Warishay Yesu Nich Yoziu
    Yesu Ndiy—Njil, Uyakin ni Mwom
Tal Yom Yivud
Chishany ku Mes!
kp map. 24 ​-​ 27

“Chakwel Kangal Wawany Mu Yoziu”

“Chishany ku mes, chad lembilany chakwel kangal wawany mu yoziu.”​—⁠MATEU 26:⁠41.

CHIPWICHIK chadinga chikash​—⁠kwikil chom ap chimwing cha kufanikesh nich ku yawonsu yamushikena kurutu. Yesu Kristu, Mwan a Nzamb, wadinga piswimp ni nsudiel ya mwom wend wa panap pansh. Yesu wijika anch akumukwat katat kamu ak, kumufish nich rufu, ni kumupampil pa mutond wa mar. Wadinga wij anch mipak yend yawonsu ni yisal yend yawonsu yikwikal nich chibudikin pa dijin dia Tatukwend. Yesu wading wij kand anch ruchingej ra mwom wa kurutu wa antu radinga pa mpenzil. Pa kuman yom yiney yawonsu, chom ik chelay kusal?

2 Yesu waya mu chir cha Getiseman ni in kwilej end. Yadinga ndond yimwing yikatiningay Yesu nakash. Kwinikwa, waya chintampu kanang wayisha in kwilej end. Padingay amwinend, wakarumukina kud Tatukwend wa mwiur chakwel amwinkish usu, wapana muchim wend kud ndiy mu malembil makin​—⁠kadiap kapamp kamwing pakwez tupamp tusatu. Ap anch ndiy wadinga muntu uwanyidina, Yesu kalondap anch nikurish nich chipwichik ku usu wam amwinam.​—⁠Mateu 26:​36-44.

3 Nlel, niyetu tudi mu yipwichik. Kwinsambishil kwa broshir winou, twashinshikidin uman umekeshina anch tudi mu machuku ma nsudiel ma ditenchik dined diyimp. Yoziu ni yakamish ya mangand ma Satan yikat kwiwejinaku nakash. Mipak ni yisal ya muntu ni muntu pakach petu ulondila anch ukat kumusadil Nzamb wakin yikwet yibudikin pa dijin diend ni yikwet usu ukash pa ruchingej retu ra mwom mu mangand mend masu. Tumukatin Yehova. Tusotin ‘kujijaman djat ni kwisudiel’​—⁠nsudiel yawonsu yikusambela kwez kurutu, kwa mwom wetu ap kwa ditenchik dined. (Mateu 24:13) Pakwez mutapu ik tukutwisha kulam yovil yetu ya kuswapej ni kudandamen kucha ku mes?

4 Chijay anch in kwilej end​—⁠a pakur ni a katat​—⁠akez niyawiy kwikal mu yipwichik, Yesu wayikasikesha anch: “Chishany ku mes, chad lembilany chakwel kangal wawany mu yoziu.” (Mateu 26:41) Mazu minam marumburikin ik kud etu nlel? Ov choziu ik urishina nich? Ni mutapu ik ‘ukucha ku mes’?

Choziu cha Kusal Ik?

5 Tukat kurish etu awonsu pichuku-pichuku ni choziu cha kuwil mu ‘mu mupit wa Satan.’ (2 Timote 2:26) Bibil utubabeshin anch diloz dia Satan didi in kumwifukwil Yehova. (1 Pita 5:8; Kujingunik 12:​12, 17) Ov chidi mulong wak? Chidiap kwau anch ching atujipa. Chidingap kuwin ku mutambu wa Satan anch twafa ashinshamena kud Nzamb. Satan wij anch Yehova, pa chisu Chend chatenchikay, ukez kudiosh rufu kusutil ku kuvumbuk.​—⁠Luka 20:​37, 38.

6 Satan usotil kushesh chom chimwing cha usey nakash kupandakanamu mwom utukweta katat​—⁠kushinshaman kwetu kud Nzamb. Satan katwishinap kumekesh anch ukutwish kutudiosh kud Yehova. Chawiy lel, anch chatwishik kutudimb kwikal akad kushinshaman​—⁠tulika kulejan rusangu ruwamp ap kulik kusadil yijil ya Ukristu​—⁠chikez kwikal kuwin ku mutambu wa Satan! (Efes 6:​11-13) Komb “Mwin Kwozan” ukat kututil yoziu.​—⁠Mateu 4:⁠3.

7 “Yoziu” ya Satan yiding ya milad kushalijan. (Efes 6:11) Ukutwish kutwoz nich yom ya ku mujimbu, wom, kwidjidjek, ap kukimb kwisangaresh nakash. Pakwez umwing wa mitapu yend ya kusadil udi wa kuziyishan. Mud muntu mwin kutenchik, wij anch yakamish ap kuburen ruchingej kukutwish kutulengumwish muspiritu, ni kutwikadish aswapela kwoz. (Jinswir 24:10) Nakash kamu anch ‘twalim nakash’ nich yitongijok, ukutwish kutwoz chakwel tulika.​—⁠Kuseng 38:⁠8.

8 Pitwashikena kal piswimp nakash mu machuku ma kwisudiel, chimeken anch yom yiletina kuziy yiwejidinaku nakash, ni tudiap achidijinau ku yom yiney. (Tal kamushet “Yom Yimwing Yiletininga Kuziy.”) Wikalap nchik musul, kuziy kukutwish kupwish usu wetu. ‘Kulam chisu’ mulong wa yisend ya muspiritu​—⁠pamwing ni kwilej Bibil, kukumangan ku yikumangan ya Ukristu, ni kusal mudimu wa kulejan​—⁠kukutwish kwikal kukash anch uziyil ku mujimbu, mu manangu, ni mu yovil ya mu muchim. (Efes 5:​15, 16) Vurik anch Mwin Kwozan usotin anch ey ulika. Pakwez chinech kichawiyap chisu cha kuchirik kwinyim ap kuvuramen chitongijok cha kuswapej kwambatan nich chisu tushichamu katat! (Luka 21:​34-36) Mutapu ik ukutwisha kujijaman ku choziu ni kushal uchila ku mes? Shinshikin yiyul yinying ey yikutwisha kukukwash.

‘Lembilany Pakad Kujing’

9 Engamin pad Yehova mu malembil. Vurik chilikej cha Yesu mu chir cha Getiseman. Padingay mu yipwichik ya yovil yikash, chom ik chasalay? Wakarumukina kud Yehova mulong wa kutan ukwash, walembila nakash mu chilik cha kwel anch “masuril mamubudika mudi manans ma mash, mawila pansh.” (Luka 22:44) Tonginap bil. Yesu wadinga umwij Satan nawamp. Yesu wamana padingay mwiur yoziu yawonsu yikatay kusadil Satan chakwel kuyoz atushalapol a Nzamb. Chikalap nchik mwamu, Yesu kalondap anch ukutwish kupandakan swa chom chawonsu chikutwishay kusadil Mwin Kwozan kurutu kwend mud choziu. Anch Mwan a Nzamb uwanyidina wamana usey wa kulembil chakwel kutan ukwash ni usu wa Nzamb, chikwikal cha usey ujim mud ik kud etu akad kuwanyin!​—⁠1 Pita 2:⁠21.

10 Vurik kand, anch kupwa kwa kuyikasikesh in kwilej end chakwel ‘kulembil pakad kujing,’ Yesu walonda anch: ‘Muchim ukatil kwau, pakwez mujimbu uziyil.’ (Mateu 26:41) Mujimbu wa nany wadinga wisambidinay Yesu? Chakin kamu kiwadingap mujimbu wend bwat; mwadingap chom ap chimwing chiziyina mu mujimbu wend wa musuny uwanyidina. (1 Pita 2:22) Pakwez mujimbu wend wadinga ushalijadin kulemp ni wa in kwilej end. Mulong wa kuburen kuwanyin ni yibachikin ya chitil yaswanau, awiy adinga aswiridin ukwash wa pakampwil wa kujijaman ku choziu. (Rom 7:​21-24) Wawiy mulong wayikasikeshinay​—⁠pamwing ni in Kristu akin awonsu​—⁠kulembil chakwel kutan ukwash wa kurish nich choziu. (Mateu 6:13) Yehova wakwiling ku malembil mud minam. (Kuseng 65:⁠2) Mutapu ik? Mu mitapu yaad.

11 Cha kusambish, Nzamb ukat kutukwash kujingunin yoziu. Yoziu ya Satan yidi mud mipit yitilau mwi njil yijadila bwi. Anch uyimenap, ukukashimuk mwend mu mupit. Kusutil ku Bibil ni mikand yengamidina pa Bibil, Yehova ukat kumunyikin chitokish pa mipit ya Satan, chawiy chikat kututwishish kwipuk kuwil mu choziu. Mu kusut kwa mivu, mikand yichapinau ni maprogram ma yikumangan ya munyimuku ni ya distrik yatubabeshin kal tupamp ni tupamp ku ubaj wa mutapu winou mud wom wa muntu, usund, rukat ra mapit, ni yoziu yikwau ya Satan. (Jinswir 29:25; 1 Korint 10:​8-11; 1 Timote 6:​9, 10) Ov umujikitishinap Yehova mulong wa kutubabesh chakwel tujijamana kwipuk yisotilay Satan? (2 Korint 2:11) Yibabesh yiney yawonsu yidi yakul ku malembil mey ma kusot ukwash ku kujijaman ku choziu.

12 Cha kaad, Yehova ukat kutwakul kusutil ku kutwinkish usu wa kujijaman ku choziu. Dizu diend dilondil anch: ‘Nzamb . . . kakwitiyip en anozany kusut usu wen, pakwez yoziu anch yez, ndiy ukukulejany njil ya kukwasinik, chakwel ukwikalany ni usu wa kupandakan.’ (1 Korint 10:13) Nzamb kakwitiyap anch yoziu yipandakana mu chilik chetwetu kuburen usu wa muspiritu wa kujijaman​—⁠ang twadandamen kwikamen pad ndiy. Ov mutapu ik ‘ukutulejay njil ya kukwasinik’? Ndiy ‘upanin spiritu utumbila kudi awonsu akata kumwit.’ (Luka 11:13) Spiritu winou ukutwish kutukwash kuvurik yijil ya Bibil yikutwisha kukasikesh mupak wetu wa kusal yom yitentamina ni kutukwash kukwat mipak ya manangu. (Yohan 14:26; Jakobu 1:​5, 6) Ukutwish kutukwash kumekesh ngikadil yifanyidina chakwel kupandakan yibachikin yiyimp. (Galatia 5:​22, 23) Spiritu wa Nzamb ukutwish kuyibachik ambay netu akaritiy ‘kwikal ukwash utukasikeshina.’ (Kolosay 4:11) Ov umujikitishinap Yehova mulong ukat kwakul mwi njil jinej ja rukat ku malembil mey ma kumwit ukwash?

Ikal Nich Kashinsh mu Yom Uchingejina

13 Chakwel kucha ku mes, tufanyidin kwikal nich kashinsh mu yom yituchingejina. Mulong wa yipwichik ya mwom, etu awonsu tukat kuziyang pa yisu kanang. Pakwez tufanyidin kuvurik anch Nzamb kand kal ashilamu anch tukwikalap nich milong mu ditenchik dined dikur. Ap mu chirung cha Bibil, atushalapol a Nzamb arisha nich yakamish, pamwing nich kuzengol, uzwendj, kuziy kupandakena, ni mayej.​—⁠Midimu 8:1; 2 Korint 8:​1, 2; 1 Tesalonik 5:14; 1 Timote 5:⁠23.

14 Nlel, niyetu tukwet chit cha yikokujol yetu. Tukutwish kutanijan nich kuzengol, yakamish ya kuman nfalang, kurish nich kuziy kwa muchim, kuyel, ap kuman mar mu mitapu yikwau. Anch Yehova wading ni kutuchidij mu chishimushimu kudiokal ku uyimp wawonsu, ov chelangap kwikal dishin dia Satan chakwel kumusaal Yehova? (Jinswir 27:11) Mu yisu yimwing, Yehova ukat kamu kuyilikidil atushalapol end chakwel ayoza ni kuyipak, mu chilik cha kuyishikij ku rufu mu makas ma akankuny nau.​—⁠Yohan 16:⁠2.

15 Ov, chom ik kand chashilayimu Yehova? Mud kamu mutapu twasambelang kulond kwiur oku, ndiy washilamu anch ukez kutukwash kujijaman ku choziu chin chawonsu tukutwisha kutan, anch tukat kumuchingejin. (Jinswir 3:​5, 6) Kusutil ku Dizu diend, mwiku wend utumbila, ni dirijek diend, ukat kutuking muspiritu, ukat kutukwash kulam urund wetu nendendiy. Nich urund winou wakad kufang, ap anch twafa, tukuwin. Kwikil chom ap chimwing​—⁠chikalap nchik rufu​—⁠chikutwisha kumukangesh Nzamb kuyifut atushalapol end ashinshamena. (Hebereu 11:⁠6) Mu mangand masu, madia piswimp ap, Yehova kakezap kukangany kuwanyish ya kushilamu yend yawonsu yamushena yishadilaku ya kuyiyukish antu amukatininga.​—⁠Kuseng 145:⁠16.

Vurik Milong

16 Chakwel kujijaman djat kwisudiel, tufanyidin kuvurik milong ya usey yisadila anch Nzamb alikidila uyimp. Anch mu yisu kanang yikokujol yetu ayinetu yimeken kwikal yilimina nakash ni twovil chibachikin cha kulik, tuwapidil kuvurik anch Satan ukat kutadik kufanyin kwa ukaleng wa Yehova. Sakudimban ukat kwidjidjek kand piur pa kwipan ni kushinshaman kwa in kumwifukwil Nzamb. (Job 1:​8-11; 2:​3, 4) Milong yiney ni mutapu watonday Yehova chakwel kuyipwish yidi yijim nakash kupandakanamu iyetu. Mu mutapu ik?

17 Kulikidil kwa Nzamb mar mu kachisu kakemp kwatwishishin chisu cha antu akwau kwak uyakin. Tongin bil pa chom chinech: Yesu wamana mar chakwel tutwisha kutambul mwom. (Yohan 3:16) Ov tusangerap mulong wa chom chinech? Ov tusotin kujijaman ku mar mu kachisu kakemp chakwel anch antu akwau niyawiy atwisha kutan mwom? Chakwel kujijaman djat kwisudiel, tufanyidin kujingunin anch manangu ma Yehova madi majim nakash kupandakanamu metwetu. (Isay 55:⁠9) Ukez kupwish tuyimp pa chisu chiwamp mulong wa kupwish milong yiney chikupu ni mulong wa kuwap kwetu kwa chikupu. Chakin kamu, ov mutapu ik chela kwikal? Kwikiling katond kud Nzamb!​—⁠Rom 9:​14-24.

“Sejany Piswimp Kudi Nzamb”

18 Chakwel kulam ngikadil yetu ya kuswapej, tufanyidin kusejin piswimp ni Yehova. Kangal twavuramen anch Satan usadil yawonsu yikutwishay chakwel ashesha urund wetu uwamp ni Yehova. Satan usotin anch twitiyija anch nsudiel yikezap kwez ni kwikil nsudiel ya kulejan rusangu ruwamp ap kushakam kwambatan nich yany ya Bibil. Pakwez “ndiy udi mwin kudimban, ndiy kamu tatuku wa makasu mawonsu.” (Yohan 8:44) Tufanyidin kukwat mupak wa ‘kurish nend Sakudimban.’ Tufanyidinap kukwat urund wetu ni Yehova mud chom chimwing chamwamu. Bibil utukasikeshin nich rukat anch: “Sejany piswimp kudi Nzamb, chad niyend ukusej piswimp ni yenen.” (Jakobu 4:​7, 8) Mutapu ik ukutwisha kusejin piswimp ni Yehova?

19 Kutongijokin mu malembil kudi kwa usey. Chisu chikata kushiken yakamish yimekena anch yilimin, pan muchim wey kud Yehova. Anch wikal nich kashinsh nakash, chikwikal chiswapela kuman yakul yend ku malembil mey. Chakul chikutwishap kwikal kamu mud chiudia nich mu manangu, pakwez anch rusot rey ridi ra kumulimish ndiy ni kulam kushinshaman, ukez kulet ukwash uswiridikina chakwel anch utwisha kupandakan. (1 Yohan 5:14) Mud muumena umutakel wend mu mwom wey, ukusejin piswimp nend. Kutang ni kutongijokin pa ngikadil ya Yehova ni njil jend, mud mujilejenau mu Bibil, yidi kand ya usey. Kutongijokin kwinoku kukukwash kumwijik nawamp; kukubachik muchim wey ni kujimbish rukat rey kud ndiy. (Kuseng 19:14) Rukat riner, ripandakenamu chom chawonsu, rikez kutukwash kujijaman ku choziu ni kudandamen kucha ku mes.​—⁠1 Yohan 5:⁠3.

20 Chakwel kusejin piswimp ni Yehova, chidi cha usey anch twikala piswimp ni ambay netu akaritiy. Chawiy chikwisambinau mu chikunku cha nsudiel cha broshir winou.

YIPUL YA DILEJAN

• Chom ik chasalay Yesu padingay mu chipwichik chikash piswimp ni nsudiel ya mwom wend wa panap pansh, ni chom ik chayikasikeshay in kwilej end kusal? (Par. 1-4)

• Ov mulong wak diloz dia Satan adi in kumwifukwil Yehova, ni mutapu ik ukatay kutwoz? (Par. 5-8)

• Mulong wak tufanyidina kudandamen kulembil, chakwel kujijaman ku choziu (Par. 9-12), kwikal nich kashinsh mu yom tuchingejina (Par. 13-15), vurik milong (Par. 16-17), ni “sejin piswimp kudi Nzamb” (Par. 18-20)?

[Mutu wa mulong udia pa paj wa 25]

Yom Yimwing Yiletininga Kuziy

Ukash wa mujimbu/ap reng. Anch tukwet mayej makad kupwang ap anch kuvul kwa mivu kwatutekin kal mipak, tukutwish kuziy mulong tutwishinap kand kusal yivud mu mudimu wa Nzamb.​—⁠Hebereu 6:⁠10.

Kuburen kuwanyish ruchingej. Tukutwish kuziy muchim anch twaman yibudikin yikemp ya usu wetu wa kulejan Dizu dia Nzamb.​—⁠Jinswir 13:⁠12.

Chitongijok cha kuburen kufanyin. Mulong wa mivu ya mar, muntu ukutwish kwitiyij anch kwikil umukatina, ukutwish ap kutong anch Yehova kamukatinap.​—⁠1 Yohan 3:​19, 20.

Yovil yiyimp. Anch muntu kanang amurumbukin nakash kud mbay nend mukaritiy, ukutwish wiyakamish nakash ni kutongin anch amwozin chakwel imika kukumangan ku yikumangan ya Ukristu ap kusal mudimu wa kulejan.​—⁠Luka 17:⁠1.

Kuzengol. Antu akad ritiy rey akutwish kukurishish, kukuzengol, ap kukupipesh.​—⁠2 Timote 3:12; 2 Pita 3:​3, 4.

[Chipich chidia pa paj wa 26]

Yesu watukasikesha ‘kudandamen kulembil’ mulong wa kutan ukwash mu kurish nich choziu

    Mikand ya Uruund (1999-2025)
    Budik
    Andam
    • Uruund
    • Kwangan
    • Yom ukatina
    • Copyright © 2025 Watch Tower Bible and Tract Society of Pennsylvania
    • Mbil ja Kusadin
    • Mbil ja Ujindj
    • Paramètres de confidentialité
    • JW.ORG
    • Andam
    Kwangan