Yilakej Yifundishina

Mateu 13:34, 35

MU WISWIMP: Wapish mafundish mey kusutin kusadin yilakej yiswapela ni yifundishina yom ya usey kudi in kukutesh.

MUTAPU WA KUSADIN:

• Tond yilakej yiswapela. Mudi Yesu, sadin yom yikemp mulong wa kurumburil yom yijim, ni yom yiswapela mulong wa kurumburil yom yikash. Kangal kuwejamu yom yakad ukwash yikutwisha kurumbangesh chilakej. Ikal ni kashinsh anch chilakej chey chikwatijadin ni yom yiufundishina, mwamu in kukutesh kakwikalap mu kampuw mulong wa yom yakad usey.

• Tongin pa yom yikutaninawamu in kukutesh. Tond yilakej ya yom yisadikina ni yiyisangareshina in kukutesh. Babal mulong kangal yilakej yey yiyovish usany ap kuyijimesh.

• Fundish dinans dia usey. Shinshikin pa kulejan manans majim, kulik pa tuyom tukemp tukemp. Ikal ni kashinsh anch in kukutesh akuvurik chilakej ni kuvurik kand yom yilejau kal kusutin chilakej chinech.