Yilakej ya Manans Majim

Chisu tuyichirikidina antu ap chisu tutakedina malejan ma Bibil, tufanyidin kuyikwash antu inay kwov kurumburik kwa manans majim. Anch twasadin yilakej mulong wa kurumburil manans majim, tukutwish kupukun michim yau ni chikutwish kuyiswapel kuvurik yom yilejinau.

Chisu wirijekina mulong wa kumuchirikin muntu ap mulong wa kutakel dilejan dia Bibil, shinshikin manans majim ukurumburila kusutil yilakej. Kupwa kimb yilakej yiswapela kutesh yimedina pa yom yisadikining pichuku pichuku. (Mt 5:14-16; Mar 2:21; Lk 14:7-11) Chisu utondina yilakej, tongin kand mudimu usadiningay muntu ni mutapu udia mashakamin mend. (Lk 5:2-11; Yh 4:7-15) Ukwikal ni musangar nakash anch waman musangar ukwikalay nich muntu anch watesh nawamp yom wamufundisha kal.

TAL VIDEO IKAL NI MUSANGAR UDIOKILA KU KWIKADISH IN KWILEJ​—KUDISH UKALIWENY WEY MU—​KULET YILAKEJ YA MANANS MAJIM, NI KUPWA AKUL KU YIPUL YILONDWILAKU EY:

• Mulong wak mwin kwilej ukutwish kuswiriken ukwash mulong wa kutesh nawamp maverse ma Bibil?

• Chilakej ik chasadinangay Neeta mulong wa kwovikesh uyakin udia mu Rom 5:12?

• Yilakej yiwamp yikutwish kwikal ni yibudikin ik pad antu atuteshina?

• Mulong wak tufanyidin kusadin mu mudimu wa kulejan mavideo ni yom yikwau ya kulejan nich yibudishinau kud dirijek dia Yehova?