Itiy Ukwash wa Yehova Kusutin Malembil

Yehova ndiy ukata kusal anch mbut ja uyakin jibudish mij ni kukul mu muchim wa muntu. (1Ko 3:6-9) Chawiy, chakwel tutwisha kusal nawamp mu mudimu wa kulejan, tufanyidin kumuchingejin Yehova chakwel atukwasha ni ayikwasha antu twilejina nau Bibil.

Mwita Yehova chakwel amukwash mwin kwilej wey kujijamen rupompat ni kupandakan yikangesh. (Fl 1:9, 10) It patok chom uswirikedina. Lembil mulong wa kwit spiritu utumbila chakwel akutakela mu yitongijok ni mu yisal yey. (Lk 11:13) Yifundisha in kwilej ey a Bibil mutapu wa kulembil, ni yikasikesha kusal mwamu. Lembilang pamwing ni in kwilej ey a Bibil ni jimbulang majin mau.

TAL VIDEO IKAL NI MUSANGAR UDIOKILA KU KWIKADISH IN KWILEJ​—ITIY UKWASH WA YEHOVA—​MALEMBIL, KUPWA AKUL KU YIPUL YILONDWILAKU EY:

• Chikokujol ik charishay kal nich Neeta padiay ni mwin kwilej wend Jade?

• 1 Korint 3:6 wamukwash kal Neeta mutapu ik?

• Mutapu ik wapwa kal chikokujol cha Neeta?