Kuyishik Antu ku Muchim

Kumuziyil Nzamb kukat kudiokalang ku muchim. (Jnsw 3:1) Chawiy, chisu tufundishina tufanyidin kusal usu wa kupukun michim ya antu atuteshina. Mutapu ik tukutwisha kusal mwamu?

Ufanyidinap kwey ching kumufundish mwin kwilej wey uyakin wa Bibil, pakwez ufanyidin kand kumukwash ajingunina anch yom yilejinay yikutwish kumukwash kwikal mu urund wa piswimp ni Yehova. Mukwasha kand amana mutapu umekeshina mbil ja Bibil rukat ra Nzamb, kuwap kwend ni kutentam kwend kand. Nich nkeu mwipula yipul yikutwisha kumukwash chakwel amekesha yitongijok yend piur pa yom yilejinay. Mukwasha kutongin pa mutapu ukutwisha kuswimp mwom wend anch walikap yisal yiyimp. Anch wamuman mwin kwilej wasambish kumukat Yehova nich muchim wend wawonsu, musangar wey ukuvul.

TAL VIDEO IKAL NI MUSANGAR UDIOKILA KU KWIKADISH IN KWILEJ​—KUDISH UKALIWENY WEY MU—​KUYISHIK ANTU KU MUCHIM, NI KUPWA AKUL KU YIPUL YILONDWILAKU EY:

• Mulong wak Neeta wamwipula Jade anch: “Watongidin piur pa yom twilejina Diakajikamu?”

• Neeta wamukwasha mutapu ik Jade kuman mutapu umekeshina mbil ja Bibil rukat ra Yehova piur pend?

• Neeta wamukwasha mutapu ik Jade kutongijokin pa mutapu ukutwishay kumekesh rukat rend kud Nzamb?