Yikwasha in Kwilej ey a Bibil Kupandakan Yaku Yiyimp

Ching antu akweta mwikadil wishitwila awiy akutwisha kusanger urund wa piswimp ni Yehova. (1Pi 1:14-16) Padandamedinau in kwilej a Bibil kupandakan yaku yiyimp, akutwish kand kwikal ni urund uwamp, ukash wa mujimbu uwamp ni kakutwishap kushesh nfalang jau.

Rumburil patok mbil jishitwila ja Yehova, mayingishin masadina anch mbil jinej jikalaku, ni usey wa kusadin mbil jinej. Ikasikesha mulong wa kuyikwash in kwilej ey kuswimp mutapu wau wa kutong, mwamu akutwish chad kusal yom yimusangareshina Yehova. (Efes 4:22-24) Yinkisha kashinsh anch Yehova ukuyikwash chakwel atwish kupandakan yaku yiyimp yalabinau kal nich. (Fl 4:13) Yifundisha kumulembil Yehova anch yitongijok ya kusal chitil yayez. Yikwasha kujingunin ni kwipuk jindond jikutwisha kusal anch chiyikasiken kusal yom yiwamp. Yikasikesha kwiswinkesh yaku yiyimp ni mijikit yiwamp. Ukwikal ni musangar anch waman in kwilej ey a Bibil atwish kuswimp mu mwom wau kusutil ukwash wa Yehova.

TAL VIDEO YIKWASHA IN KWILEJ EY A BIBIL KUPANDAKAN YAKU YIYIMP, NI KUPWA AKUL KU YIPUL YILONDWILAKU EY:

• 

  Mutapu ik wamekeshau amakurump ni Neeta anch amuchingejidin Jade?

• 

  Neeta wamukwasha kand Jade mutapu ik?

• 

  Mutapu ik wakimbay Jade ukwash kud Yehova?