Yikwasha in Kwilej ey a Bibil Kwikal ni Urund wa Piswimp ni Yehova

Yehova ukatin anch tumusadin mulong tumukatin (Mt 22:37, 38) Anch in kwilej a Bibil amukat Nzamb, chinech chikuyibachik kuswimp yom yimwing mu mwom wau ni kwiman dang pa chisu chirishinau ni yoziu. (1Yh 5:3) Rukat rau mulong wa Yehova rawiy rikuyibachika kukwat mupak wa kuyibatish.

Yikwasha in kwilej ey a Bibil kuman mutapu uyikatinau kud Nzamb. Yipula yipul mud yiney: “Chom chinech chikufundishin ik piur pa Yehova?” ap “Chom chinech chimekeshin mutapu ik anch Nzamb akukatin?” Yikwasha chakwel amana mutapu uyikwashinau pakampwil kud Yehova. (2Jsng 16:9) Yinkisha yilakej piur pa mutapu ukatay Yehova kwakul ku malembil mey ni yikasikesha chakwel asambish kushinshikin yakul ya Yehova ku malembil mau. Tukat kusangar nakash anch in kwilej a Bibil iyov anch ayikatin kud Yehova ni kupwa niyau amukat ni akat kwikal arund nend.

TAL VIDEO YIKWASHA IN KWILEJ EY A BIBIL KWIKAL NI URUND WA PISWIMP NI YEHOVA, NI KUPWA AKUL KU YIPUL YILONDWILAKU EY:

• 

  Chikokujol ik charishay nich Jade?

• 

  Neeta wamukwasha Jade mutapu ik?

• 

  Mutapu ik watwishay Jade kupandakan chikokujol chinech?