Yifundisha in Kwilej ey a Bibil Kwidish Ayinau mu Spiritu

Mulong wa kuwanyish maswir mau ma mu spiritu ni kuya kurutu mulong wa kwikal in Kristu aswila mu spiritu, in kwilej a Bibil afanyidin kwilej yom yivud nakash kusutamu kwau uyakin tukata kuyifundish. (Mat 5:3; Heb 5:12–6:2) Afanyidin kwilej kand mutapu ukutwishau kwidish ayinau mu spiritu.

Yileja in kwilej ey kudiokal kwinsambishin mutapu ukutwishau kurijek dilejan diau dia Bibil, ni yikasikesha kusal mwamu. (mwb18.03 paj 6) Yikasikesha kulembilang kurutu kwa kusambish dilejan diau dia pakampwil. Yikwasha mutapu ukutwishau kwikal nich yom ya elekitronik ya kwilej nich ni mutapu wa kuyisadin. Murumburila mutapu wa kutan nsangu jisu pa jw.org ni pa JW Télédiffusion. Yifundisha pakemp pakemp kutang Bibil dichuku diawonsu, kurijek yikumangan, ni kukimb yakul ku yipul yikatau kwiyipul. Yileja mutapu wa kutongijokin pa yom yilejinau.

TAL VIDEO YIKWASHA IN KWILEJ EY A BIBIL KWIDISH AYINAU MU SPIRITU, NI KUPWA AKUL KU YIPUL YILONDWILAKU EY:

• Neeta wamukwashang Jade mutapu ik kwijik anch kwilej kwitin yom yivud kusutamu kwau kukimb yakul?

• Yom ik yamukwashang Jade kwikal nich kashinsh anch Yehova ukwet diyingishin dia kukangesh masandj?

• Yom ik yashikenangay Jade kujingunin piur pa kutongijokin?