Lam Uumwing mu Chikumangen

Anch tud pamwing ni ambay netu in Kristu, tukat kwiyov kamu mud mwiyovay David palonday anch: “Talany kuwap ni musangar anch akadivar abombakan ni kushakam pamwing [mu uumwing]!” (Kuseng 133:1) Uumwing wetu ukatap kwiyezin awinau. Etu awonsu tufanyidin kusal usu wa kuulam.

1. Chom ik chishimokishena pakach pa antu a Nzamb?

Anch wakumangan ku yikumangan mwi ngand yindj, ap anch uteshinap dizu dia ngand yiniya, pakwez ukwiyov kamu anch ud pakach pa anamakwey. Mulong wak? Mulong etu awonsu twilejin Bibil mu kusadin mikand yimwing ndond jawonsu. Ni tusadin usu wa kukatijan umwing ni mukwau. Chikalap nchik ndond tushicha, etu awonsu ‘tukat kutumbish dijin dia Yehova ni kumwifukwil mu uumwing.’​—Sofoniy 3:9.

2. Yom ik ukutuwisha kusal mulong wa kukasikesh uumwing?

“Katijanany nich rukat rakin nich michim yen yawonsu.” (1 Pita 1:22) Mutapu ik ukutwisha kusadin chiyul chinech? Pa ndond pa kushinshikin pa kuburen kuwanyin kwa antu akwau, shinshikin pa mikadil yau yiwamp. Chikwau kand, pa ndond pa kwinung ching ni antu adia mud ey, sal usu wa kuyijik akadivar ni anambaz ushalijadina nau. Tufanyidin etu awonsu kusal usu wa kulik katond ap kasolikany tukutwisha kwikal nich.​—Tang 1 Pita 2:17.a

3. Yom ik ufanyidina kusal anch wovijadinap ni mwanamakwey mwin Kristu?

Tud mu uumwing, pakwez tud kand antu akad kuwanyin. Yisu yimwing tukat kuyirumbukin antu akwau ap kuyovish nayimp. Chawiy, Dizu dia Nzamb ditulejin anch “[dandamenany] . . . kulikishijadin umwing ni mukwau, mudi mwakulikishinanyau en kudi [Yehova]. Niyen salany kand mwamu.” (Tang Kolosay 3:13.) Etu awonsu tukat kumurumbukinang Yehova tupamp tuvud, pakwez ukat kutulikishinang. Chawiy uchingejin anch niyetu tuyilikishina akadivar ni anambaz netu. Anch wajingunin anch wamurumbukinang muntu kanang, sal usu wa kupwish mulong winou.​—Tang Mateu 5:23, 24.b

ILEJA CHIKURIKINA

4. Pandakan kasolikany

Tufanyidin kuyikat akadivar ni anambaz netu awonsu. Pakwez chikutwish kutukasiken kuyitiy akadivar amwing ashalijadina niyetu. Yom ik yikutwisha kutukwash? Tang Midimu 10:34, 35, kupwa isambinany yipul ey:

• Yehova uyitiyin antu a mitapu yawonsu kwikal Atuman end. Chinech chifanyidin kukubachik kuyiman mutapu ik akadivar ashalijadina ney?

• Kasolikany ka mutapu ik kavulijadina kwi ndond ushicha ufanyidina kwipuk?

Tang 2 Korint 6:11-13, kupwa isambinany chipul ech:

• Utongin anch mutapu ik ukutwisha kwikal piswimp nakash ni akadivar nau anambaz ashalijadina ney?

5. Likishin nich muchim umwing ni sal chisambu

Yehova ukat kutulikishin nich muchim umwing ap anch ndiy kakwetap kuswir kwa dilikishin dietu. Tang Kuseng 86:5, kupwa isambinany yipul ey:

• Yehova ukat kutulikishin mu chilik ik?

• Mulong wak ufanyidin kumujikitish mulong wa dilikishin diend?

• Yom ik yikutwisha kusal anch chitukasiken kwovijan nau akwetu?

Mutapu ik tukutwisha kumwimburij Yehova ni kwikal mu uumwing nau akadivar ni anambaz netu? Tang Jinswir 19:11, kupwa isambinany chipul ech:

• Anch muntu kanang wakurumbukin, yom ik ukutwisha kusal mulong wa kuwapish yom?

Yisu yimwing niyetu tukat kuyirumbukinang akwetu. Anch yashiken, yom ik tufanyidina kusal? Talany VIDEO, kupwa isambinany chipul ech:

VIDEO: Kusal Chisambu Kukat Kulet Yiyukish (6:01)

• Mu video winou, yom ik yasalay kal nambaz mulong wa kuchirish chisambu?

6. Kimb mikadil yiwamp ya akadivar ni anambaz

Anch twasej piswimp nakash ni akadivar nau anambaz netu, tukwijik mikadil yau yiwamp ni kuziy kwau. Mutapu ik tukutwisha kushinshikin pa mikadil yau yiwamp? Talany VIDEO, kupwa isambinany chipul ech.

VIDEO: Kudish Mikadil ya win Kristu! (5:10)

• Yom ik yikutwisha kukukwash kuman mikadil yiwamp yikwetau akadivar ni anambaz ney?

Yehova ukat kushinshikin pa mikadil yetu yiwamp. Tang 2 Jinsangu 16:9a, kupwa isambinany chipul ech:

• Mutapu ik wiyovila pa kwijik anch Yehova ukat kushinshikinang pa mikadil yey yiwamp?

YOM TWILEJA KAL

Ukutwish kukwash kulam uumwing mu chikumangen mu kuyilikishin ni kuyikat akadivar ni anambaz ney awonsu.

Ov, uvurikin?

• Mutapu ik ukutwisha kupandikan kasolikany?

• Yom ik ukusala anch wovijadinap ni mwanamakwey mwin Kristu?

• Mulong wak ukatin kwimburij chilakej cha Yehova cha kuyilikishin antu akwau?

JINGUNIN KAND

Tal mutapu ukutwisha chilakej chimwing cha Yesu kukukwash kwipuk kuyirumburish antu akwau.

Diosh Mutond Udia pa dis Diey (6:56)

Ov, tufanyidin kwit dilikishin anch tumen anch twasalangap kwetu chom chiyimp?

“Kwit Dilikishin Kud kwa Usey Mulong wa Kuchirish Chisambu” (Chinong cha Kalam cha 1 Ngond wa 11, 2002)

Tal mutapu amakundj aad apamina mwi ngand mwading katond ka michid mwikalau mu uumwing wakin.

Johny ni Gideon: Pakur Ading Akankuny, Katat ad Akadivar (6:42)

Tal mutapu ukutwisha kupwish milong kurutu yiyipisha chisambu cha chikumangen.

“Kupwish Milong Nich Muchim wa Rukat” (Chinong cha Kalam cha Ngond wa 5, 2016)