Yisangera Antu ni Yom Yau

Yom Yasalay Yesu

VIDEO: Yesu ni Mband ku Dijiy

1. Tal VIDEO, ap tang Yohan 4:6-9. Kupwa shinshikin yipul ey:

1. Yom ik yashinshikinay Yesu piur pa mband kurutu kwa kusambish kwambamb nend?

2. Yesu wamwela anch: “Nginkishap, amboku, mem ma kuna.” Mulong wak winou wading mutapu uwamp wa kusambish mambamb?

Chilakej cha Yesu Chitufundishin ik?

2. Tukutwish kwambamb nawamp ni muntu anch twasambish mambamb nich yom yikwatikenay nich.

Mwimburija Yesu

3. Swimp kukwatijan ni muntu. Kangal kukimb kusambish mambamb ching kusu kamu nich mutu wa mulong watenchikang kal mu manangu. Sambish nich yom yitongidinau antu nlel. Iyipula anch:

1. ‘Nsangu ik jisu jipalangena?’

2. ‘Yom ik yisambidinau amutej nam, ambay nam a mudimu, ap a kalas?’

4. Ikal mwin nkeu. Iyipula anch:

1. ‘Yom ik yisadinay muntu winou pinap? Ukutwish kutongin pa yom ik?’

2. ‘Mutapu udjadinay muntu winou, mutapu umekenay, ap chikumbu chend, yimekeshin ik piur pa yitiyij yend ap mashakamin mend?’

3. ‘Ov, chinech chid chisu chiwamp cha kwambamb nend?’

5. Tang matu.

1. Kangal walond nakash.

2. Mubachika muntu kulond yom yitonginay. Ipul yipul anch chitwishikin.