Tukudishany Ukaliweny Wetu mu Mudimu wa Kulejan​—Minsamb ya Kusambish Mulong wa Kupan Uman wa Kukashimwish

Chidi cha Usey: Chisu twipanininga mu mudimu wa kulejan ku chikumbu ni chikumbu, yisu yivud chitukasikedining kutan antu avud ku yikumbu yau. Pakwez, tukutwish kutanijan nau chisu tukandamininga mu motak wa antu awonsu, tuchingedininga mu kapalikany ka kuchingedil mwingang, tupimininga ku mudimu ap ku shikol ni ku jindond jikwau. Rusot ra Yehova ridi anch muntu ni muntu atana mutapu wa kutesh uruu wa Want. (1 Tim. 2:3, 4) Yisu yivud, chakwel tupana uman, tufanyidin kwikal a kusambish mu kwisamb.