Mambamb ma Chivadik

Yom Yasalay Filip

VIDEO: Filip Ukat Kulejan Kud Ntung Mwin Etiopi

1. Tal VIDEO, ap tang Midimu 8:30, 31. Kupwa shinshikin yipul ey:

1. Mutapu ik wasambishay Filip mambamb?

2. Mulong wak winou wading mutapu wa chivadik wa kusambish mambamb ni kupwa chad kumulej ikundj winou uyakin usu?

Chilakej cha Filip Chitufundishin ik?

2. Anch twalik mambamb masadik mu mutapu wa chivadik, chikutwish kumuswapel muntu kwiyov nawamp ni kwiyandjik mu mambamb.

Mwimburija Filip

3. Ikal mwin nkeu. Chifu cha muntu, yom yisadinay, ni majest mend yikutwish kumekesh yom yivud. Ov, muntu winou umeken anch wovil ja kwambamb nend? Ukutwish kusambish kwisambin uyakin wa Bibil kusutin kusu kwau kumwipul muntu anch: “Ov, wij anch . . . ?” Ipuk kumushindin muntu wakad kwov ja kwambamb nend.

4. Shimpish muchim. Kangal wipupwil kwisambin uyakin wa Bibil. Chingel chisu chiwamp cha kusal mwamu chakwel uwisambin mu mutapu wa chivadik. Chinech chirumburikin anch yisu yimwing chikukwit kuchingel kapamp kakwau ukwambamba ni muntu.

5. Swimp kukwatijan ni muntu. Mambamb makutwish kuswimp mu mutapu uwakad kutongin. Chawiy ikasikesha kwisambin uyakin wa Bibil ukwatijadina ni maswir ma muntu wisambina nend, ap anch chitin kuswimp mutu wa mulong wadia watenchikang kal kwisambin.