Lond Nich Ranaken

Yom Yasalay Yesu

VIDEO: Yesu wamwok kal mputames

1. Tal VIDEO, ap tang Yohan 9:1-7. Kupwa shinshikin yipul ey:

1. Yom ik yasambelay kusal Yesu​—kumwok mputames bil anch kumulej rusangu ruwamp?​—Tal Yohan 9:35-38.

2. Mulong wak utongin anch mutapu wayay nich Yesu yom wamubachika ikundj winou kwitiy rusangu ruwamp?

Chilakej cha Yesu Chitufundishin ik?

2. Chikutwish kumuswapel muntu kutesh uruu wetu anch waman anch tumubangidin.

Mwimburija Yesu

3. Iteka pa ndond ya muntu. Pakish kutongin mutapu wiyovilay.

1. Iyipula anch: ‘Yom ik yikutwisha kumwakamish? Yom ik yikutwisha kumukwash ni kumusangaresh?’ Kusal mwamu kukukukwash kumekesh mu mutapu wa chivadik ni wa win kashinsh anch ud muntu muwamp.

2. Mekesh anch ubangidin yom yidia ya usey kud ndiy kusutin kumutesh. Anch muntu wakulej mutapu wiyovilay piur pa chom kanang ap wakulej mulong urishinay nich, kangal waswimp mambamb.

4. Lond mu mutapu uwamp ni wa kalimish. Mutapu wey wa kulond ukumekesh anch umwanakedin muntu ni ukatin chakin kamu kumukwash. Tond nawamp yom ya kulond ni mutapu wa kuyilond, ni ipuk kulond yom yikutwisha kumusal nayimp.

5. Mukwasha muntu. Kimb mitapu yiwamp ya kumukwash muntu. Yisal yiwamp yikutwish kumubachik muntu kwitiy mambamb.