Kwikepish

Mbil: “Ikepishany, muntu ni muntu amumana mukwau mud ud muwamp kumupandakanamu.”—Fil. 2:3.

Yom Yasalay Paul

Kambuy Paul amutekang kal muyolal kud atulam a rukan pakwez ulondin nich kalimish kurutu kwa Mwant Agripa, Nyikel Festus ni Berenise.

VIDEO: Paul Ukat Kulejan Kud Mwant Agripa

1. Tal VIDEO, ap tang Midimu 26:2, 3. Kupwa shinshikin yipul ey:

Mutapu ik wamekeshay Paul kwikepish kusutin mutapu wambambay ni Mwant Agripa?
Mutapu ik wapwitinay Paul nkeu padiay Yehova ni pa Mifund pa ndond pa kwipwitin nkeu ndiy amwinend?—Tal Midimu 26:22.

Chilakej cha Paul Chitufundishin ik?

2. Uruu wetu ukat kuyisangareshang nakash antu anch twaulejan nich kwikepish ni kwa kalimish.

Mwimburija Paul

3. Lond kwa kalimish. Kangal wamekesh mud yey wija yawonsu ni mud muntu wambambina nend kijap chom. Isamba nend mu mutapu wa kalimish.

4. Ovikesh patok anch Bibil wawiy musul wa uyakin ulejena. Mu Dizu dia Nzamb mud yitongijok yikutwisha kupukun michim ya antu. Anch twadisadin, tukutung ritiy ra antu pa mufulandal uwamp.

5. Itudisha. Kangal wakimb kumekesh anch yey uyingina nich. Tukimbinap kupwitamijan. Mekesh anch wikepishin kusutin kwikuchik ni kwijik chisu cha kuya. (Jnsw. 17:14; Tit. 3:2) Muntu witudishina ukat kumusha muntu mu mutapu wakwel anch ukutwish kand witiy mambamb mu machuku ma kurutu.

TAL KAND

Rom 12:16-18; 1 Kor. 8:1; 2 Kor. 3:5