Mekesh Kalimish

Yom Yasalay Paul

VIDEO: Paul Ukat Kulejan kud in Aten

1. Tal VIDEO, ap tang Midimu 17:22, 23. Kupwa shinshikin yipul ey:

1. Mutapu ik wiyovay Paul piur pa yisal ya marelijon ma makasu yamanay mu Aten?​—Tal Midimu 17:16.

2. Pa ndond pa kuyifish nich in Aten, mutapu ik wasadilay Paul nich kalimish yitiyij ya antu inay mulong wa kuyilej rusangu ruwamp?

Chilakej cha Paul Chitufundishin ik?

2. Antu akutwish kututesh anch twatond nawamp yom tulondina, mutapu wa kuyilond, ni chisu cha kuyilond.

Mwimburija Paul

3. Tond nawamp yom ukulonda. Chilakej, anch wambambin ni muntu udiokila kwi ndond kwakad kwikal in Kristu, chikutwish pamwingap kukwit kuswimp mutapu wa kujimbul Bibil ap wa kwisambin piur pa Yesu.

4. Kangal waswakal kumekesh anch yom yilondinay muntu yidap yakin. Mulika alond yidia ku muchim wend. Anch walond yom yakad kukwatijan ni mafundish ma Bibil, kangal wamukaturij. (Jak. 1:19) Anch wamutesh, yikukukwash kwijik yitiyij yend.​—Jnsw. 20:5.

5. Anch chitwishikin itiy yom yilondinay muntu ni mujikitisha. Muntu ukutwish nich win kashinsh wawonsu kwitiyij anch yitiyij ya relijon wend yid yakin. Isambina bil yom witiyijinanya en awonsu, kupwa pakemp pakemp mukwasha chad kwov yom yifundishinay Bibil.