Kutakaman

Yom Yasalay Yesu

VIDEO: Yesu Ukat Kulejan kud Zakeu

1. Tal VIDEO, ap tang Luka 19:1-7. Kupwa shinshikin yipul ey:

1. Mulong wak antu amwing amwiyepang Zakeu?

2. Yom ik yamubachika Yesu kumulej Zakeu rusangu ruwamp chikalap nchik mutapu wamumanangau kud antu akwau?

Chilakej cha Yesu Chitufundishin ik?

2. Tuswirikedin kutakaman mulong wa kulejan uruu wa Want pakad kasolikany.

Mwimburija Yesu

3. Muchingejina Yehova. Spiritu wa Nzamb wamwinkisha Yesu usu wa kulejan, ukutwish kand kukwinkish niyey usu. (Mat. 10:​19, 20; Luka 4:18) Mwita Yehova kutakaman mulong wa kulejan kud antu ukutwisha pamwing ap kwov wom.​—Mid. 4:29.

4. Kangal wasambel kuyirumburish antu. Tukutwish kwidjidjek kwisamb ni antu amwing mulong wa mutapu umekenau, mulong wa mashakamin mau, mulong ad atuzwendj ap ampich, ap mulong wa yitiyij yau. Pakwez vurik anch:

1. Yehova ni Yesu awiy amening yidia mu michim ya antu; pakwez etu tukutwishap.

2. Yehova ukutwish kumwanaken muntu win mwawonsu.

5. Ikal utakamena, pakwez mekesh kand kalimish ni babal. (Mat. 10:16) Ipuk kupwitamijan. Imik mambamb kwa kalimish anch muntu kakatinap kwend kutesh rusangu ruwamp ap anch wiyov anch ud mu ubaj.​—Jnsw. 17:14.