Shimpish Muchim

Yom Yasalay Yesu

VIDEO: Nich Kushimpish Muchim, Yesu Umukwashin Mwanamakwen

1. Tal VIDEO, ap tang Yohan 7:3-5 ni 1 Korint 15:3, 4, 7. Kupwa shinshikin yipul ey:

1. Yom ik yasalau anamakwend a Yesu piur pa uruu wend?

2. Yom ik yimekeshina anch Yesu wadandamena kumukwash mwanamakwend Jakobu?

Chilakej cha Yesu Chitufundishin ik?

2. Tufanyidin kushimpish muchim mulong antu amwing chiyitining chisu chivud kusutamu akwau mulong wa kwitiy rusangu ruwamp.

Mwimburija Yesu

3. Pakish kuswimp mutapu wa kulejan. Anch muntu kitiyinap kapamp kamwing kwilej Bibil, kangal wamushindin. Anch chiswapel, sadin mavideo ap mitu ya milong yikutwisha kumukwash kuman mutapu usadikining dilejan dia Bibil ni mutapu dikutwisha kumukwash.

4. Kangal wamufanakesh muntu ni mukwau. Muntu ni muntu ushalijadin ni akwau. Anch muntu wa mu dijuku diey ap muntu uchirikidina widjidjek kwilej Bibil ap kwitiy mafundish kanang ma Bibil, shinshikin yimubachikina kusal mwamu. Ov, kud chitiyij cha pakampwil cha chirelijon pajamidinay? Ov, amupompatin kud anamakwend ap amutej nend? Mushila chisu cha kutongijokin pa yom wamuleja kal ni kuman usey wa yom yilondinay Bibil.

5. Mulembila muntu usangaredina uruu wetu. Mwita Yehova akukwash kulam ruchingej ni kwikal ni nkeu. Mwita ukaliweny wa kujingunin chisu ufanyidina kwimik kumuchirikin muntu wakad kusanger rusangu ruwamp.​—1 Kor. 9:26.