Kwipan

Yom Yasalay Yesu

VIDEO: Yesu Ukat Kumufundish Nikodem

1. Tal VIDEO, ap tang Yohan 3:1, 2. Kupwa shinshikin yipul ey:

1. Utongin anch mulong wak Nikodem waya kumutal Yesu uchuku?​—Tal Yohan 12:42, 43.

2. Kusutin kutanijan ni Nikodem uchuku, mutapu ik wamekeshay Yesu anch wading wipanin kwikadish in kwilej?

Chilakej cha Yesu Chitufundishin ik?

2. Tukat kumekesh anch tuyikatin antu kusutil kwipan mulong wa kuyikwash kwikal in kwilej.

Mwimburija Yesu

3. Ilejany pa ndond ni chisu chikatinay mwin kwilej Bibil. Mwin kwilej ukutwish kukat kwilej dichuku kanang mu rubing ap pa chisu kanang. Ov, mwin kwilej ukusanger nakash kwilejin pa ndond yisadiningay mudimu, kwol kwend, ap pa ndond ya antu awonsu? Anch chitwishikin, swimp program wey chakwel akwatijan ni maswir mend.

4. Limish program wa kwilej. Anch ukudiokalap, kangal wamukangeshish muntu kwilej. Tongin anch:

1. Ukutwish kwilej nend chisu chindj rubing rinira

2. Ukutwish kwilej nend ku telefon ap kusutin videokonferans

3. Ukutwish kumwit mwin kulejan mwindj chakwel ilej nend

5. Mwita Yehova akukwash kwikal ni chitongijok chiwamp. Mwita Yehova akukwash kudandamen kwipan mulong wa kumukwash mwin kwilej, ap anch chimukasikedin kulimish program wa kwilej ni kusadin yom yilejinay. (Fil. 2:13) Mwin kwilej wey ukutwish kwikal ni mikadil yiwamp yivud; chawiy mulembila Yehova chakwel akukwash kushinshikin pa mikadil yiney.