Ziyish Mafundish Mey

Yom Yasalay Yesu

VIDEO: Yesu Uletin Chilakej Chimekeshina Mutapu Utubangidiningay Tatukwetu

1. Tal VIDEO, ap tang Mateu 6:25-27. Kupwa shinshikin yipul ey:

1. Chilakej ik chapanay Yesu chimekeshina mutapu utubangidiningay Yehova?

2. Ap anch Yesu wading wij yom yivud piur pa atujil, pakwez pa dinans ik diswapela kutesh pashinshikinay? Mulong wak winou wading mutapu uwamp wa kufundish?

Chilakej cha Yesu Chitufundishin ik?

2. Anch twafundish mu mutapu uswapela, antu akuvurik yom twayifundishang ni tukupukun michim yau.

Mwimburija Yesu

3. Kangal walond nakash. Pa ndond pa kulond yom yawonsu wija piur pa mutu wa mulong wisambidinanya, shinshikin pa yom yisambidinau mu mukand wilejinanya. Kupwa kwa kwipul chipul, shimpish muchim chakwel mwin kwilej akul. Anch kijap chakul ap anch walond yom yakad kukwatijan ni mafundish ma Bibil, mwipula tuyipul tukwau mulong wa kumutongish pa yom wilejinanya. Anch mwin kwilej wey watesh chitongijok chijim, sutany ku dinans diambakedina.

4. Sadin yom yijay kal mwin kwilej mulong wa kumukwash kutesh mafundish masu. Chilakej, kurutu kwa kusambish dilejan disambidina divumbuk, ukutwish kuchirikinany mu wiswimp yom yilejinay kal mwin kwilej piur pa mwikadil wa afu.

5. Sadin nawamp yilakej. Kurutu kwa kulet chilakej, iyipula anch:

1. ‘Ov, chilakej chinech chiswapel?’

2. ‘Ov, chikumuswapel mwin kwilej kuchitesh?’

3. ‘Ov, chikumukwash mwin kwilej kutesh dinans dijim—pa ndond pa kuvurik kusu kwau chilakej?’