“Chisu Chau” Chidi Piswimp

MUDI muprofet Abakuk, in kwilej a Yesu achingedin ni impu yikash kuman nsudiel ya mar. Kupwa kwa kwilej yom yikusala Want wa Nzamb mulong wa kutenchik yom panap pansh, awiy amwipula Yesu anch: “Yom yiney yikwikal pa muten ik? ni chijingidij ik cha kwez kwey [mu usu wa Want]? ni cha kwisudiel kwa mangand?” (Mateu 24:3) Mu kuyakul, Yesu walonda anch ching kusu Yehova Nzamb ndiy wija chisu chikeza kusambish Want kuyikel divu muchifanyidina. (Mateu 24:36; Marko 13:32) Pakwez, Yesu ni antu akwau abwaka yom yimwing yikeza kumekesh anch chisu chidi piswimp.—Tal mushet udia ku katatuku.

Ov, ukulik kwitiyij anch yom yiney yimeken nlel kwawonsu kwawonsu? Yesu wabwaka kand anch kukez kwikal kusal mudimu wa kulejan pa mangand mawonsu. Ndiy walonda anch: “Katumb kawamp ka want akez kukalejan ku mangand mawonsu, kakez kikal uman kudi michid yawonsu; chawiy lel disudiel chidikweza.”—Mateu 24:14.

Yawiy yom yisadikina nlel unou. Atuman a Yehova ausadil mudimu winou. Mu jingand 236, Atuman mamiliyon sambwad ni kusut ayilejin antu yom yikeza kusal Want, ni ayikwashin chakwel ashakama kukwatijan nich yom yitentamina yitinay Nzamb, mulong rusot rend ridi ra kupwish mar ni kusansan. Dandamen kwilej piur pa Want wa Nzamb, ni chawiy ukez kwikal nich ruchingej ra kushakam mu mangand makad mar—chikupu.

[Chipich chidia pa paj wa 8]

Mifund Yisambidina Piur pa Machuku ma Kwisudiel

[Chipich chidia pa paj wa 8]

MATEU 24:6, 7; KUBURIK 6:4

• Jinjit jikash

MATEU 24:7; MARKO 13:8

• Kuzal kujim kwa divu

• Tumungun

LUKA 21:11; KUBURIK 6:8

• Yipupu

MATEU 24:12

• Kuvulijan nakash kwa uyimp

• Kutalal kwa rukat

KUBURIK 11:18

• Kushesh ngand

2 TIMOTE 3:2

• Rukat ripandakena ra nfalang

• Kuyibwambwil anvaj

• Kwikat chipandakena

2 TIMOTE 3:3

• Akad rukat ra chivadik

• Antu akad kwovijan ni akwau

• Kwikand kuburedin kudi antu a mitapu yawonsu

• In kukis kuwap

2 TIMOTE 3:4

• In kukat kwisangaresh nakash kupandakanamu kumusangaresh Nzamb

2 TIMOTE 3:5

• In rubabek avud afil mukan anch adi in Kristu

MATEU 24:5, 11; MARKO 13:6

• Kukwikal aprofet avud a makasu

MATEU 24:9; LUKA 21:12

• Kuyizengol in Kristu akin

MATEU 24:39

• Antu kijap kwau yiyul yidia mu Bibil

[Chipich chidia pa paj wa 8]

Atuman a Yehova ayilejen awonsu adia mu mangand rusangu ra Want wa Nzamb