Chid Chisu Cha Chisak Chitakedila

Diakasatu pamanch mwin ngond wa Mwinkind pa dichuku dia 5, 2012, ijikisha ku dijuku dia Betel wa États-Unis ni wa Canada anch awejinaku kal chid chisu ku Chisak Chitakedila cha Atuman a Yehova. Mark Sanderson wasambisha kusal mudi chid cha chisak chitakedila pa Mwinses 1, 2012.

Mukadivar Sanderson wapamina kudi anvaj end in Kristu mu ul wa San Diego, ku Californie, mu États-Unis, ni watambula dibatish pa Kasan 9, 1975. Ndiy wasambisha kusal mudi chibol mu province wa Saskatchewan, mu Canada, pa Mwinses 1, 1983. Pa Kachirikin wa muvu wa 1990, wapwisha Shikol ya sambwad ya Diyiy dia Mudimu (yitazukinau lel anch Shikol ya Bibil ya Akadivar Ajich) mu États-Unis. Mukadivar Sanderson amutuma chakwel asala mudi chibol wa pakampwil mu ditung dia Terre-Neuve, mu Canada, pa Ndol mu muvu wa 1991. Kupwa kwa kusal mudi kalam wa munyimuku mwin kuswinkan, amutazuka chakwel ikala chidi cha dijuku dia Betel wa Canada pa Kasan mu muvu wa 1997. Pa Kalang mu muvu wa 2000, amwamburila ku mutiy wa États-Unis, kwinikwa wasala ku Service d’information hospitalier (Mudimu wa Kupan Rusangu Piur pa Milong ya Rupital) ni kupwa ku Departema wa Mudimu.

Pa Mwinses wa muvu wa 2008, Mukadivar Sanderson wileja ku Shikol ya Yid ya Komite wa Mutiy ni kupwa amuteka mudi chid cha mutiy wa Philippines. Pa Mwinses wa muvu wa 2010, amutazuka chakwel achirika ku États-Unis, kwasalay mud nkwash ku Komite wa Mudimu wa Chisak Chitakedila.