Yakul ku Yipul ya Bibil
Kwisu kwadiokala uyimp?
Nany wapakisha kumubachik Yesu kusal yom yiyimp?—Mateu 4:8-10
Mu kulond kwakin, antu asotiling kwikal in chisambu, in kashinsh, ni awamp. Pakwez, mulong wak lel tumen yisu yawonsu chisum, kuburen kutentam, ni uyimp? Jinsangu jiyimp jidi ndond jawonsu. Kuding muntu kanang ukata kuyibachik antu kusal yom yiyimp?—Tang 1 Yohan 5:19.
Ov, Nzamb ndiy wayitanga antu nich manangu ma kusal yom yiyimp? Bwat, Yehova Nzamb wayitanga antu mu chifu chend, ni ukaliweny wa kwimburij rukat ra Nzamb. (Disambishil 1:27; Job 34:10) Pakwez Nzamb wayinkisha kand antu want ipau. Chisu chatondau anvajetu a kusambish kusal yom yiyimp, alika kulondul chilakej cha Nzamb ni ikala akad kuwanyin. Twaswana mwikadil wa chitil kudi awiy.—Tang Kuvurik Yijil 32:4, 5.
Tukez kudandamen kwikal ni uyimp?
Nzamb ukatin anch tulika mwikadil wetu wa uyimp. (Jinswir 27:11) Chawiy lel, ukat kutufundish mutapu wa kwiyep kusal yom yiyimp ni mutapu wa kwikal nich musangar. Pakwez, nlel, tukutwishap kamu kwimburij rukat ra Nzamb mu mutapu uwanyidina.—Tang Kuseng 32:8.
Ap anch uyimp uvudin nlel, Nzamb ulikin anch wikalaku mu chisu chikemp chakwel antu amana yibudikin yau ya uyimp. (2 Pita 3:7-9) Pakwez, piswimp ap, mangand makwizul ni antu akweta musangar, akata kumuziyil Nzamb.—Tang Kuseng 37:9-11.