Yakul ku Yipul ya Bibil
Chitwishikin kwikal mu mangand makad uzwendj?
Mutapu ik ukezay Nzamb kulet ngand yakad uzwendj?—Mateu 6:9, 10.
Uzwendj ukash ukat kujip ma miliyon ma antu muvu ni muvu kusutil ku kamungun ni mayej. Ap anch jingand jivud jikwet mapit, antu avud a pa mangand adi mu uzwendj ukash. Bibil walejana anch uzwendj uding mulong ujim kudi antu avud.—Tang Yohan 12:8.
Mulong wa kupwish uzwendj, chifanyidin guvernema uyikedila pa mangand mawonsu. Mudi guvernema ukweta usu wa kwangan yom ya usey mu mutapu uwamp ni kupwish njit, jiletishina uzwendj. Nzamb washilamu kulet guvernema mudi winou.—Tang Daniel 2:44.
Nany ukutwisha kupwish uzwendj?
Nzamb wamutonda Yesu, Mwanend, mulong wa kuyikel antu awonsu. (Kuseng 2:4-8) Yesu ukez kumukamunin kazwendj ni kupwish kuzengol ni chisum.—Tang Kuseng 72:8, 12-14.
Mulong Yesu udi “Mwant wa Chisambu,” ukez kulet chisambu ni kwikang. Mwamu antu awonsu akwikal ni yikumbu yau, kusanger mudimu ni kwikal ni yakudia yivud.—Tang Isay 9:6, 7; 65:21-23.