YAKUL KU YIPUL YA BIBIL

Tukutwish kwijik uyakin piur pa Nzamb?

Kaman wa Yehova umwing ukat kupan uman kudi muntu mwi ndond mulamidinau annam — Mulong wak Nzamb ukatin anch twijika uyakin? Tang yohan 17:3

Nzamb wambambang nau antu. Wasadila mwiku wend utumbila, ap usu wend ukash, mulong wa kutek yitongijok yend mu manangu ma antu afunda Bibil. (2 Pita 1:20, 21) Tukutwish kushiken ku kwijik uyakin piur pa Nzamb kusutil kutang Bibil.—Tang Yohan 17:17; 2 Timote 3:16.

Mu Bibil, Nzamb ulejen yom yivud piur pend. Ulejen mulong wak wayitanga antu, yikusalay mulong wa antu, ni mutapu ukatinay tushakama. (Midimu 17:24-27) Yehova Nzamb ukatin anch twijika uyakin piur pend.—Tang 1 Timote 2:3, 4.

Mulong wak Nzamb uyaakin antu akatina uyakin?

Yehova udi Nzamb wa uyakin, ni wamutuma Mwanend, Yesu, chakwel eza kuyifundish antu uyakin. Chawiy lel, antu akatina uyakin ezin kudi Yesu. (Yohan 18:37) Nzamb uyikatin antu inay mudi in kumwifukwil end.—Tang Yohan 4:23, 24.

Satan Djabul wayikangesha antu avud chakwel alika kumwijik Nzamb kusutil ku kupalangesh mafundish piur pa Nzamb makad kwikal makin. (2 Korint 4:3, 4) Antu akad kukat yom yiwamp akat kulondul mafundish ma makasu minam. (Rom 1:25) Pakwez ma miliyon ma antu akin akat kutan uyakin piur pa Nzamb kusutin ku kwilej Bibil.—Tang Midimu 17:11.

Mulong wa jinsangu Jivud, tal shapitre 1 wa buku Chom ik chakin Kamu Chifundishinay Bibil winou, wapalangeshau kudi Atuman a Yehova

Buku winou udiaku pa kapend ka www.jw.org