Ov Tukutwish Kupan Buku Créateur?

Muvu wadap ou etu awonsu twasanger kutambul buku Y a-t-il un Créateur qui se soucie de vous? Buku winou udi buku umwing wabudishinau mulong wa antu ilejina nakash, pakwez alikina kwitiyij mwi Nzamb. Buku winou wakwidil nswir yiney yijim.

Mulong wa milad ya kusadil, mikand ya kupan ngond ni ngond yiding chisu chivud mikand yipwitininga yitongijok ya antu avud. Ov chinech chirumburikin anch tufanyidin kulik kupan buku Créateur? Bwat kwau! Tukutwish kupan buku winou chisu chawonsu mu chirung cha muvu kud antu akad kwitiyij mwi Nzamb ni akutwisha kumenaku ukwash. Tukutwish kand kumupan kud antu itiyidina mwi Nzamb, pakwez akad kumwonganyin nawamp Nzamb, ni aburedina kwijik ngikadil yend ni jintong jend. Chawiy lel tukukasikeshinany kwikal ni kopi wa buku winou mu sakosh wetu wa mudimu wa kulejan chakwel kumupan kud muntu mwawonsu ukusangera yidiamu.