Yakul ku yipul yen

◼ Mikand ik yifanyidina kwilej ni antu achidia asu kurutu kwa dibabatish diawu?

Kurutu kwa muntu kutwish kupan mwom wend kud Yehova ni kutambul dibabatish, ufanyidin kwikal ni ronganyin salal. (Yohan 17:⁠3) Ukutambul jinsangu jiswiridinay nich kwilej mwaad yau broshir Nzamb Witin Etu Tusal Ik? ni buku La connaissance qui mène à la vie éternelle. Yisu yivud chiwapidil kwilej bil broshir Nzamb Witin. Pakwez, anch wasambishinany dilejan mu buku Connaissance, ufanyidinany kwilej broshir Nzamb Witin anch wapwishany kwilej buku. Ov mulong wak uchikadila cha usey?

Broshir Nzamb Witin upanin mafundish ma Baibel ma dishin. Anch wamwilejany bil, ukumwinkish mwin kwilej nteshil ya kusambish yimwitinau mulong wa kumusangaresh Nzamb. Anch wamwilejany kwisudiel, ukukwash mud dichirikin dipandikena kuwap dia yom wilejinanya mu buku Connaissance. Chikalap nchik mutambu wa kusambish ap wa kaad, tumukasikesh mwin kwilej kukimb maverse mapaninau ni kumatongin. Turumburilany yipich, mulong yikwatikeshining mutapu uwamp mafundish.​—⁠ Tal Tour de Garde wa Chiwong 15, 1997, paj 16-17.

Anch mwin kwilej wapwish dilejan dia mikand yawonsu yaad, ukutwish kwakul ku yipul yawonsu yikuchirikinau nend amakurump mulong wa kwirijekin dibabatish. Anch mwamu, chikutwishap kwikal chiswiridikina kwilej kand nend mukand ukwau, pakwez mwin kumutakel ufanyidin kudandamen kulondul mutapu uwamp kuyang kwend kurutu.​—⁠ Tal Tour de Garde wa Chiwong 15, 1996, paj 14, 17.