Difukwil diakin diyil kurutu kwi Mputu wa Kwingangel
1 In Kristu a mu mivu chitot ya kusambish ading antwarubil a Want in mushiku. Adinga ni musangar nakash pakuman yikumangen ‘yikat kuvulijan pichuku pichuku.’ (Midimu 16:5) Kulejan kwau kwa mushiku kwashikija difukwil diakin mu Aziy, Afrik, ni mwi Mputu, chinech chayiletina mudimu ujim wa kwangul in kwitiy.
2 Mu chirung chinech cha kwisudiel, difukwil diakin didandamedin kutandurik mwi ngand ja kwi Mputu wa Kwingangel (Europe de l’Est). Mwi ngand mutwadinga mwishin mwa kukangesh kwa mudimu kud mburamatad kushik ni kwisambishil ya mivu 1990, tumen katat kwiwejinaku kushimokishina nakash. Annuaire 1999 ulejen anch ngand jaad ja ku mitambu yiney, Russie ni Ukraine, jashikedin kuvul kwa antwarubil 100000 ni kusut asadina mudimu wa kulejan. Kudiosh mu 1991, Mu materitwar 15 ma yadinga Union Soviétique pasak, antu 220000 ni kusut ipanin kud Yehova ni kutambul dibabatish! Kwiwejinaku kwinoku kwa maumau kwavuvurishin kuswir kwa kutung Yot ya Want yivud ni Yot ya Yikunguril ni kujimbish kand mabiro ma mitiy yivud.
3 Mud kamu mwachijikishau mu Mudimu Wetu wa Want wa Mwinses 1997, chikunku cha Chipau cha Yot ya Want cha Sosait achisadidin katat mulong wa kupan mabaz ku yikumangen yidia mwi ngand jikweta kuswir kujim kwa Yot ya Want yivud pakwez mudia uzweny ni mikadil yikash ya mitapu ya kuman nfalang. Pakach pa ngond wa kasatu 1996 ni ngond wa dikum 1998, Sosait witiya kusondjik nfalang ja kutung nich Yot ya Want 359 ku mabiro ma mitiy yitadila ngand 11 ja kwi Mputu wa Kwingangel. Milambu ya kukwash nich yipaninau ayisadidil mulong wa kuland rupang ni yom ya kutung nich Yot ya Want yisu ni mulong wa kukwash yikumangen kurijek Yot ya Want yikwetau kal. Yipich yilejenau pa mapaj minam yitulejin mutapu milambu ya kwikatin yipaninau ku Chipau cha Yot ya Want cha Sosait mu États-Unis ni mwi ngand jikwau yakwashina akadivar netu kwi Mputu wa Kwingangel.
4 Mu 1998, ngand ya Bulgari yashikedin kwiwejinaku kwa antu 12 pa chitot, ni akadivar asanger nakash papwishinau Chot chau cha Want cha kusambish mwi ngond wa kanying. Mu Krowasi mwikadil kwiwejinaku kwa antu 4 pa chitot, ni katat akadivar mwi ngand yiney achitungin Yot ya Want mulong wa kuyish kurutu difukwil diakin. Mu Hongri mudi piswimp Yot ya Want 80 yisadidinau kud yikumangen 144. Chinech chirumburikin anch pa yikumangen 235 yidia mwi ngand yiney, pa chitot padi kusu 61 yikweta ndond yau ya difukwil. Mu Masedwan program wa kutung Yot ya Want wapwishin Yot yisu yaad, ni yikwau achid mu kuyitung. Mu chishipu cha 1999, apwishin Chot cha Want chikweta kujimb tupamp twaad mu musumb wa Skopje. Chot chinech chikutwish kwak piswimp yikumangen musamban.
5 Muvu wadiap ou mu Russie, ababatishin piswimp antu 260 rubing ni rubing! Chiulondwila chilikej chisadidinau mwi ngand jikwau, mutiy wa Russie warijekin makomite 12 ma mudimu wa kutung (comité régional) mu teritwar wau mujim wawonsu, mulong wa kukwash kutung mu machuku ma kurutu Yot ya Want. Mu karche umwing wa kwiyand (nord) kwa Saint Pétersbourg, akadivar achitungin Chot cha Yikunguril cha kusambish mwi ngand yiney, chikwikal ni ndond ya kushakam 1600. Ndond yiney yikwikal kand ni Yot ya Want yitan ya ndond ya kushakam 200 chimwing ni chimwing. Chakwel kukwash nswir ja muspiritu ja akadivar netu ni antu avud amekeshina kusanger piur pa uyakin mu Ukraine, apwishin kutung Yot ya Want 84 ni yikwau 80 achidi ni kuyitung.
6 Ov kwiwejinaku kwinoku kwa kwi Mputu wa Kwingangel kutusangarishinap? Yikalap nchik ndond tushicha, kuya kurutu kwa difukwil diakin kutuvurishin anch Nzamb kakwetap katond ni anch kushimpish kwend muchim kukurumburik dipandish ku “chisak chipandikena kujimb.” (Kuj. 7:9; 2 Pi. 3:9) Didi dilau ditukweta mud ik dia kupan ap pakemp milambu mulong wa kukwatikesh kukul kwa muspiritu kwa dirijek! Jinswir 28:27 jitulejin anch “Muntu ukata kupan kudi atuzwendj kakez kaburenap chom.” Rusot retu ra kukwash nich nfalang kutung kwinoku rikwikal ni chibudikin cha “chilik chimwing” mu yom ya ku mujimbu, ni kuyitwishish awonsu kwikal ni musangar udiokila ku kupan ni musangar udiokiling ku kuman kuya kurutu kwa difukwil dia mangand mawonsu.—2 Kor. 8:14, 15; Midimu 20:35.
[Caption on page 3]
[Pictures on page 3]
Săcele, Rumani
Maardu, Estoni
Sevnica, Slovani
Tiszavasvári, Hongri
[Caption on page 4]
[Pictures on page 4]
Jūrmala, Letoni
Taurage, Litwani
Tallinn, Estoni
[Caption on page 5]
[Pictures on page 5]
Prievidza, Slovaki
Mátészalka, Hongri
Belgrade, Yugoslavi
[Caption on page 6]
[Pictures on page 6]
Ruma, Yugoslavi
Vranov nad Topl’ou, Slovaki
Tornakalns, Letoni