Program wa Kutung kwa Yot ya Want Uyil Kurutu
1 Ku chikunguril cha Distrik “Uumwing Kusutin ku Want” cha mu muvu wa 1983 cha mu États-Unis, ijikisha anch akez kutenchik chipau cha pakampwil chakwel kukwash kutung ni kutungiril kwa Yot ya Want mu États-Unis mwawonsu ni mu Canada. Twateshap yiyukish yela kubudikin kwi nsambishil yikemp mud yiney. Twasambisha kuman kuwanyin kujim kwa Kuseng 92:4 ulondila kamu nawamp anch: “Mulong Ey, A [Yehova, NW], wangovisha musangar ni midimu yey, nikat kuwang mulong wa midimu ya makas mey.”
2 Tukwet katat musangar ujim nakash mulong wa yom yisadikina. Nlel program wa kutung kwa mau-mau kwa Yot ya Want mu mangand mawonsu uyil kamu kurutu nakash. Mwi njil yimwing ap yikwau, tukwet etu awonsu chisend cha kusadil pamwing mu mujikit winou. Tukat kusal mwamu mu kupan milambu yikemp ap yivud ya nfalang chakwel kukwash kufutin kutung kwa jindond jivud ja kwifukwil mu mangand mawonsu. Akadivar avud akat kupan kwa kwikatin yom yau ya mudimu ni chisu chau, ukaliweny wau, ni ulabu wau chakwel kuyisadil mu kwambatan nich jintong jinej. Kupandakan kwa ditenchik dined diawonsu kwengamidin pa umutakel wa Yehova, ukwash wend, ni yiyukish yend yivud pa usu wetu winungina pamwing.—Kuseng 127:1.
3 Mitiy yivud yilondwil chilikej cha ditenchik diatakelau kutek mulong wa yikumangen ya mu États-Unis. Mu jingand jivud, ku Yot ya Want kuding mushet mukatau kutek in kulejan milambu yau mulong wa Chipau cha Mudimu wa Kutung kwa Yot ya Want (Fonds pour Salles du Royaume). Mu États-Unis, Mudimu Wetu wa Want wa Rish 1997 wijikisha kurijek kwa program winou. Walonda anch: “Kudiosh kamu patenchikau Chipau cha Sosait Mulong wa Mudimu wa Kutung kwa Yot ya Want (Fonds de la Société pour Salles du Royaume) mu muvu wa 1983, akadivar apana milambu nich muchim wa kupan, chawiy chatwishisha kupan mabaz mulong wa kutung Yot ya Want. Yikumangen piswimp 2700 mu États-Unis yatambwil kal ukwash wa ditenchik dined. Yikumangen yivud yelap mwi njil yikwau ap yimwing kutwish kutung Yot ya Want yisu ap kutungiril ni kurijek yading yiswiridikina. Katat kudi kamu kuswir kwa kusadil yimwing ya milambu yiney chakwel kupan mabaz ku yikumangen yidia mu jingand jikweta nfalang jikemp. Kudandamen kwen kupan ukwash ku ditenchik dined akat kukusanger kamu nakash kud Sosait ni kud yikumangen yikata kutan ukwash udiokila ku milambu yen.”
4 Chijikish chinech chikala mud diladikij dia kusadil mu program wa mau-mau wa kutung kwa Yot ya Want. Chipau cha Mudimu wa Kutung kwa Yot ya Want (Fonds pour Salles du Royaume) ela kuchijimbish chakwel kuwanyish maswir ma akadivar netu adia mu jingand jikwau, ni kudandamen kupan mabaz mulong wa kutung Yot ya Want mu États-Unis. Mutu wa mulong ukwau walondulaku mu nimero wa Mudimu Wetu wa Want wa Mwinses wa muvu wa 1997, walonda anch: “Kudi kwiwejinaku kwa maswir ma kutung Yot ya Want mu mangand mawonsu. Mu muvu kusu umwing wa mudimu wasutina ou, kwiwejidin yikumangen yisu 3288. Yikumangen yiney yivud yidi mu Afrik, Aziy, Amerik wa Pakach ni wa Kurul, ni mwi Mputu ya Kwingangel.”
5 Ov yibudikin ik yikadilaku kal kudiosh kamu pa chisu chinicha? Annuaire wa muvu wa 2001 waleta rapor unou: “Kusutil ditenchik dined, mu jingand 30, apwishin kal kutung Yot ya Want 453, ni yikwau 727 achidi ni kuyitung. Nakash-nakash atekin kashony pa kutung kwa Yot ya Want ya mutapu umwing mulong wa ngand ni ngand kusadil yom ya kutung nich ya pol pau ni milad ya pol pau. Mu Kenya, akat kusadil mayal ma kusong; mu Togo akat kusadil chisu chivud matafad; mu Cameroun akat kusadilang chisu chivud matafad ma kusal nich sima ni kumashingun kwinyim. Mwi njil yiney, akadivar in ngand akat kwijikang swa ukaliweny uswiridikina chakwel kuwanyish yisend yijim mu program wa ngand.”
6 Uman wa yiyukish ya Yehova mu program winou ukutwish kumekan mwi ngand yijim ya Afrik. Mud kamu umena pa yipich ya Yot ya Want yimwing yatunginau kal, tong bil usu ukweta kutung kwinoku piur pa mudimu wa Atuman’a Yehova! Chinech chidi chakin mu yom yisatu kushalijan—uumwing wa ukadivar wetu wa pa mangand mawonsu, usu pa chisak tushicha, ni kwiwejinaku kwa antu ezina ni kukumangan ku yikumangan ya chikumangen. Anch wenjil winou wisambidin kutung kwa Yot ya Want mu Afrik, manimero ma kurutu ma Mudimu Wetu wa Want makez kwisambin pa mutapu uyila kurutu program wa kutung kwa Yot ya Want mu miab yikwau ya mangand.
[Caption on page 3]
[Picture on page 3]
Bimbo, Bangui
[Caption on page 3]
[Picture on page 3]
RÉPUBILIQUE
CENTRE AFRICAINE
[Caption on page 3]
[Picture on page 3]
Begoua, Bangui
[Caption on page 4]
[Picture on page 4]
Ukonga, Tanzania
[Caption on page 4]
[Picture on page 4]
Accra, Ghana
[Caption on page 4]
[Picture on page 4]
Salala, Liberia
[Caption on page 4]
[Picture on page 4]
Allada, Benin—Chot cha Want cha kusambish
[Caption on page 4]
[Picture on page 4]
Allada, Benin—Chot cha Want chisu
[Caption on page 4]
[Picture on page 4]
Karoi, Zimbabwe
[Caption on page 5]
[Picture on page 5]
Kpeme, Togo
[Caption on page 5]
[Picture on page 5]
Sokodé, Togo
[Caption on page 5]
[Picture on page 5]
Fidjrosse, Benin
[Caption on page 6]
[Picture on page 6]
Lyenga, Zambia—Chot cha Want cha kusambish
[Caption on page 6]
[Picture on page 6]
Lyenga, Zambia— Chot cha Want chisu
[Caption on page 6]
[Picture on page 6]
Kinshasa, Congo
[Caption on page 6]
[Picture on page 6]
Musambira, Rwanda