Yakul ku yipul yen

◼ Ov wirijekin mulong wa chak?

Mu mangand m’ilel, “chisu ni milong yakad kuchingejin” yikat kuwejin kusarumun chak cha chimwingang, kuchindinamu ni yipwichik ya kwitiy kwandjik kwa mash mu mijir. (Mul. 9:​11, NW) Chakwel tutwisha kwirijek mulong wa yisu mud yiney, Yehova wapanin ukwash mu mitapu yivud kusutin dirijek diend, pakwez uchingejin anch niyetu tusala yitukutwisha. Milong yilondwila ey yikutwish kukukwash.

• Send kart wey wa katat Instructions médicales/Pas de sang chisu chawonsu.

• Tal nawamp anch aaney akwet Kart wa katat wa kuyijikin.

• Chirikin wenjil wa Mudimu Wetu wa Want wa Ndol-Mem, 1995, uchirikidina mutapu wa kutongin pamwing ni adokter ni akalansambu piur pa mutapu wa kwok mwaney.

• Chirikin malejan misambidina yikunku kushalijan ya mash ni mon yin kuswinkesh nich mash. (Yilejenau: Tour de Garde, Mwinkind 1, 1994, paj 31; Kalol 1, 1990, paj 30-1; Rish 1, 1989, paj 30-1; Réveillez-vous!, Kachirikin 8, 1994, paj 23-7; Kafumpul-Mashind 8, 1993, paj 22-5; Kalang 22, 1991, paj 10; ni awenjil a Mudimu Wetu wa Want wa Ndol-Mem 1995 ni Ndol-Mem 1994. Yilama nawamp mwi nsapu mulong wa kuyiman swa.)

• Kwat chiyul nich kushinshik anch ukutwish kwitiy kusadil kwa mashiny makata kusutishin mash pol pa mujimbu ap anch ukutwish kwitiy mon yikweta yikunku yimwing ya mash.

• Kurutu kwa kuya ku rupital, anch chitwishikin, yijikishamu amakurump chakwel akutwish kukukwash ni kwisamb ni Comité de liaison hospitalier (CLH), anch chiswiridikin. Anch mwan mukemp, yita amakurump ijikishamu Comité de liaison hospitalier kurutu kwa chisu.

Lejan patok kulik kwey kwa mash: Marapor malejen anch akadivar amwing nau anambaz akat kuchingelang kushik ni ku minit ya nsudel chakwel kuyilej adokter in kwokan anch kasotinap mash. Winou udi wom wakad kufanyin wa amwingang ni ukutwish kukutek mu chak cha kukwandjik mash mu mijir. Anch dokter wij yitiyij yey ni yiusotina yikwatikeshinau nawamp nich mikand yifwachikinau kal yilejena yifanyidinau kusal, chikuyikwash kuyisadil pakad kulab ni chisu chivud chikuyinkish milad yivud ya kwok nich kusadil mon yakad kwikal ni mash.

Chakwel aksidan ukutwish kubudikin chisu chawonsu, nakash kamu chisu chiwakad ey kuchingejin, chiwapidil kusal yifanyidina mulong wa kwichidij ey ni aaney ku kwandjik kwa mash mu mijir.​—⁠Jnsw. 16:20; 22:⁠3.