Ov yom ik ukulonda ni mwin Hindu?
1 Mud chiwija, kud Ahindu avud ashicha mwi ngand kushalijan, kuchindinamu ni ngand yetu. Chinech chirumburikin anch chitwishikin anch usankana mwin Hindu mu mudimu wey wa kulejan. Anch wamusankan, ov yom ik ukulonda nend?
2 Vurik milong yiney: Amishoner akwetinga chaku cha kupan uman kud Ahindu alondining anch chidap cha usey kwilej nakash Uhindu chakwel kupan uman mutapu ukweta mabuj. Mutapu wa kulejan uyakin uswapela nich manangu chisu chivud ukweting chibudikin chiwamp. Sambel bil kwit kwambamb ni mukurump wa dijuku. Anch witiy, chikuswapal kupan uman kud yidi yikwau ya dijuku. Kwisambishil, ipuk kulejan anch uletin uruu umwing upandakena yitiyij ya muntu wisambinany nend ap anch usotin kusu kwisambin Nzamb umwing wakin kusu ap mifund yitumbila yikur nakash. Mulong Ahindu avud amening Baibel mud buku umwing wa kurand (occident), ukutwish kupandakan katond kinak nich kurumburil anch kadap buku ukasikeshina uswik ap kupandakan kwa muchid umwing piur pa ukwau.
3 Sadil yom ya mudimu yifanyidina: Arijekin mabroshir maad mulong kusu wa Ahindu. Pourquoi adorer Dieu en amour et en vérité? ni broshir Nos problèmes—Qui nous aidera à les résoudre? Mawonsu maad madaku mu français. Mabroshir “Voici, je fais toutes choses nouvelles” ni Dieu se soucie-t-il vraiment de nous? ni mawiy mafanyidin nakash mulong wa kupan nich uman kud antu akweta yinshakur ya Uhindu. Tukutwish kusadil mutapu uwamp broshir Nzamb Witin ni buku Connaissance mulong wa kwendish nich malejan ma Baibel.
4 Ovijanany piur pa misamb: Chikasikenap kwovijan ni Ahindu. Itiyijining anch tushich pa chirung chimwing muvulijadina nakash uyimp ni anch Nzamb ukujiyish mangand ni milong yidiamu kusutin mar mamwing majim nakash, kupwa kukwikal chirung chimwing cha uyakin. Chiswapel kwambatanish yitiyij yiney ni mafundish ma Baibel piur pa machuku ma kwisudiel, mar mapandakena kujimb, ni kwez kwa mangand masu. Mulong Ahindu avud amening mwom mud dilondurish dia milong yakad kupwang, akat kusangerang mitu ya milong yisambidina dijuku, ubaj ni kwikal ku matu zong, ni yikata kushiken ku rufu. Ukutwish kupakish sampul mwaad wa mutapu wa kupan ulondwila:
5 Tal yikutwisha kumusangarish tatuku wa dijuku:
◼ “Nikakuyendil antu atongidina mwikadil wa katat wa dijuku mwi ngand jivud. Ov yom ik yikutwisha kukwash kulam dijuku mu umwing? [Chingel chakul.] Antu amwing ij yilondina mifund ya Uhindu piur pa dijuku, pakwez kand kal ikalap ni chisu cha kuyisikej nich yilondilay Baibel piur pa mulong winou. Nisotin kukulej chitongijok chinech chidia mu Kolosay 3:12-14.” Anch wapwish kutang maverse, muleja muntu wisambinany nend shapitre 15 wa buku Connaissance ni kulond anch: “Nikusangar kutang ney pamwing mu chisu chikemp shapitre winou.”
6 Muntu uchidia nsand ukutwish kwitiy yilondwila:
◼ “Chakin anch witiyidin Nzamb. Ov rutong ra Nzamb ridi chom ik kud etu?” Chingel chakul. Kupwa tang Disambishil 1:28, ni kulond anch: “Mwi ndond jivud pa mangand muvulijadin antu nakash ni mudi milong yivud. Ov utongin anch Sakatang usotin kutukwash kupwish milong yitukweta?” Kwinyim kwa kutesh chakul, pwitin yitongijok ku mukand ufanyidina.
7 Kuman mabuj mawamp: Ikundj umwing mwin Hindu wa mivu 22 waya kud nambaz umwing wadinga ni kupan uman mu chiku ni kumwit dilejan dia Baibel. Wamurumburila nambaz anch pasutil kal mivu chinan, watesha misamb ya Baibel pakach pa nambaz ni makwend. Ap anch wasangera nakash yakul yifanyidina ya Baibel ku milong ya antu, makwend kayisangerap bwat ni ndiy wading uchidi mwanikanch chakwel kulondul uyakin amwinend. Katat, chidiay mukurump, usotin kwilej yivud. Nsand winou kashadishap chisu bwat. Mu machuku 23 kusu, wapwisha dilejan dia buku Connaissance, ni wita kubabatishiu mu kusut kwa angond anying kudiosh pambambinay mu chiku ni nambaz!
8 Mukadivar umwing wasambisha dilejan n’ikundj umwing mwin Hindu wasankanay mu mashuw. Ikundj winou wading ni matat mu uruu wend. Wading kand ni mulong wa kunawol maar. Ikundj winou witiya kutambul Kaman ni kwisambin yiyul ya Baibel piur pa mwom wa dijuku. Mafundish ma Baibel ma manangu mamusangarisha, ni witiya dilejan dia Baibel. Ndiy ni dijuku diend asambisha kwez ni kukumangan pamwing. Kupwa, ayilejamu arund nau ni anamakwau uyakin. Mu kusut kwa machuku, antu musamban pakach pa antu inay itiya uyakin!
9 Nzamb usotil anch “antu awonsu apanda ni kwijik uyakin.” (1 Tim. 2:4) Kuchindinamu amakundj nau amband akad kwikal mu yifukwil ya Ukristu, mud Uhindu. Anch mu teritwar wen mudi Ahindu, ov mulong wak ukutwishap kuyendil ni kusadilap yiyul yimwing pakach pa yiyul yipaninau mu mutu wa mulong winou?