Twilejany Prophétie de Daniel
1 Kudiosh ku rubing ra Ndol 17, tukusambish kwilej buku Prêtons attention à la prophétie de Daniel! ku Dilejan dia Buku. Avud atangin kal buku winou muwamp, pakwez katat tukwet chisu cha kuman ukwash udiokila ku misamb ya mu chirund ya milong yidiamu. In kulejan awonsu, antu amekeshina kusanger, ni an ayitin awonsu, chakin kamu ayikasikeshin, kwikal rubing ni rubing ku dilejan dined dia kashinsh dia buku wa Baibel wa Daniel.—Kuv. 31:12, 13.
2 Program wa dilejan ni yany: Program mwawonsu wa dilejan dia buku Prophétie de Daniel amubudishin mu Mudimu Wetu wa Want wa ngond winou. Lam kopi wa program winou mulong wa dilejan dia buku. Program ulejen shapitre, maparagraf ma buku ni maverse ma Daniel makwisambinau mu chikunku cha rubing ni rubing. Mazu ma kwishin kwa paj marumburil mutapu ni chisu ik chikwilejau milong yidia mu buku winou. Kwisudiel kwa dilejan dia rubing ni rubing, ntakel uwapidil kuchirikin pamwing ni chirund maverse ma Daniel misambinangau matekinau pa program wa rubing rinira. Anch kuchidi chisu, akutwish kutang maverse ni kumisambin. Maverse mamwing makusut rubing rumwing kushik ku rubing rukwau mulong wa dilejan didandamedina dia mutapu wau wa kumasadil.
3 Irijeka mulong wa dilejan dimwing dia kashinsh: Asadil usu chakwel kusha chisu chifanyidina rubing ni rubing mulong wa kwipuk kwambambin maumau milong ya kwilej. Kudi mafundish manying madia miswimp nakash. Chawiy lel, kwisudiel kwa dilejan dia rubing ra Kalol 5, ntakel ukutwish kuwejinamu dichirikin dia Daniel 2:1-40. Mu rubing ra Kalol 26, ukutwish kuchirikin Daniel 3:1-30. Rubing ra Mwinses 4 rikwikal ni misamb ya kashinsh ya yifwatul ni mifund yidia pa paj 139. Tablo udia pa paj 188 ni 189 chiwapidil kumwisambin ku dilejan dia rubing ra Mwinkind 2.
4 Irijeka nawamp mulong wa dilejan dia rubing ni rubing, ni ikal ni musangar wa kupan yakul. Sanger dilau diwitapidila dia kwikal mu uumwing ni dirijek dimekena dia Yehova ni kutambul ukwash udiokila ku kujingunin ni kutesh kupaninay kashalapol wend uzizidilau many. (Dan. 12:3, 4) Yikasikesha akwau nich rukat, kukumangan ku dilejan dia buku pakad kujing. Tuteshany etu awonsu dizu dia uprofet dia Nzamb dilejenau mu buku wa Daniel. —Heb. 10:23-25; 2 Pita 1:19.