Yisak Yisu Yitenchikinau

Nimero wa Tour de Garde wa Chiwong 15, 2001, urumburil mitapu yirijekinau Atuman’a Yehova chakwel kudandamen kuyish kurutu mudimu wa Want pa divu diawonsu. Urumburila kand yisak kushalijan yikatau kusadil mud yom ya mudimu chakwel kuswapej kupalangesh kwa rusangu ruwamp. Yirund yiney ap yisak yiney yidi ya usey mulong wa kulimish yijil ya ndond ushichany ni ya ngand, mud mwitinau mu Dizu dia Nzamb. (Rom 13:⁠1) Mulong wa kushalijan ni kujimb kwa mijikit yetu, Chisak Chitakedila chitiyidin kusal kwa yisak yikwau chakwel kudimukin maswir makwau ma Atuman’a Yehova adia mu États-Unis. Yisak yin yawiy ey:

Christian Congregation

of Jehovah’s Witnesses

Religious Order of Jehovah’s Witnesses

Kingdom Support Services, Inc.

Yisak yiney yikusambish kusadil pamwing nich Watch Tower Bible and Tract Society of Pennsylvania ni Watchtower Bible and Tract Society of New York, Inc. (La Tour de Garde, Société de Bibles et de Traités, associations de Pennsylvanie et de New York). Chimwing ni chimwing cha yisak yiney chikutwish kwambatan ni yikumangan ni in kulejan. Tukusanger kamu nakash kusadil kwey pamwing nich yitenchik yisu yisadinau kud Chisak Chitakedila mulong wa kuwanyish mudimu wend wa kudimukin nawamp yom yawonsu ya Mwant.​—⁠Mat. 24:​45-47.