Yakul Ku Yipul yen

◼ Ov, chiwapin anch yikumangen ap muntu kanang asadila yijiken yikwatijadina nich mbil ya yitenchik yikatau kusadil Atuman a Yehova?

Chijiken chinech chikutwish chikal dijin, chijingidij, ap kashe usadidilau mulong wa kwijik ap kujingunin ditenchik swa. Chijiken cha Watch Tower chidi mudi ntimesh wa Watch Tower Bible and Tract Society of Pennsylvania ni yitenchik yikwau yisadidinau mu dirijek. Chikumangen cha Ukristu cha Atuman a Yehova chikat kusadin Bibil wa kuburil ku mutu wa mukand. Yitenchik yikwau yikatau kusadil Atuman a Yehova yikweting yijiken kushalijan.

Yikumangen ap antu kanang kafanyidinap kusadin yijiken ap majin ma yitenchik yikwatijadina nich mbil, ap yijiken yifanikena nich yidia pa Yot yau ya Want, mutu wa mukand, yom yau ya kusadil, ni yom yikwau-yikwau. Kusadil yijiken yiney ya dirijek kukutwish kwayirumbangesh ambur matad, in kulejan, ni antu akwau piur pa kukwatijan kwa yijiken ya chikumangen ni ya yitenchik yikwatijadina nich mbil ya dirijek. Chilik chimwing kand, mikand yifundinau nich yijiken mudi yiney kukutwish kwamekesh anch biro mujim wa mangand mawonsu ap biro wa mutiy witiyijin mukand winou.

Chijiken cha Watch Tower, ap chijiken chikwau chifanikena nich, kichifanyidinap kand kuchisadil ku machuku ma kurutu pa Yot ya Want yitunginau ap anch yiding ya Watch Tower. Yikumangen yikweta kal Yot ya Want padia chijiken kayitinap anch ayiswimpa kapamp kamwing, mulong kuswimp kwinoku kukwit mudimu ujim, chisu chijim, usu ukash ni nfalang. Pakwez, chifanyidin kushinshikin nawamp anch chikwit kusal mudimu ukemp. Anch bwat, akez kuchiswimp chisu chikezau kuchitung ap kuchitunguril.