Yakul Ku Yipul yen

◼ Mulong wak chifanyidina kubabal pitupanina uman kusutil ku mikand?

Kupan uman kusutil ku mikand kwameken kal kwikal mutapu umwing ukweta yibudikin yiwamp mu kusut kwa chisu mulong wa kulejan rusangu ruwamp. Pakwez, mulong wa yinship yimekena katat mu mangand, antu avud ababal kal nakash piur pa kuburil mukand wakad kwijikan nawamp kuudiokila. Manvelope madiokila ndond yakad kwijikan ap makad adres wa muntu umatumina akat kumaman chisu chivud nich chitongijok chiyimp, nakash kamu anch ayifundin ku makas ni yilimin. In chikumbu akutwish kudjibul mukand mud winou pakad ap kuufungul. Mutapu ik lel tukutwisha kwipuk chom chinech chakwel kangal chashiken?

Anch chitwishikin, yawonsu yaad, mukand ni anvelope yifanyidin kuyifundin ku mashiny. Chifanyidin kufund dijin dia muntu utumidina mukand piur pa anvelope. Kangal kufund anch kud “Udia mu chikumbu.” Chikwau kand, fund chisu chin chawonsu adres wey piur pa anvelope. Anch chidiap cha manangu kulejan adres wey, fund dijin diey ni adres wa Chot cha Want. Kangal kutum mikand yakad dijin dia muntu uyitumina. Kangal kusadil adres wa biro wa mutiy.​—⁠Tal Mudimu Wetu wa Want wa Kachirikin 1996, Yakul ku Yipul Yen.

Yiyul yikwau piur pa kufund ni chilikej cha mukand ukutwish kuyitanany mu Manuel pour l’École du ministère théocratique, paj 84-90. Yany yiney yikez kutukwash chakwel kusadil mikand mu mutapu umwing wa ukwash mulong wa kuyishiken antu akwau nich rusangu ruwamp.