Yakul ku Yipul Yen

◼ Ov tukutwish kurumburil ditenchik dia kupan mulambu pitupanina uman kusutil ku telefon?

Pitupanina uman mes ni mes, chitwishikin kurumburil anch mudimu wa malejan ma Baibel pa mangand mawonsu wa Atuman’a Yehova ausadil nich ukwash wa milambu ya kwikatil ni anch tusanger nakash kwitiyij milambu yiney. Pakwez, tukutwishap kwisambin piur pa milambu ap ditenchik dia mulambu pitupanina uman kusutil ku telefon, mulong akutwish atesh nayimp mud kudi kusot ukwash kusutin ku telefon. Mudimu wa Atuman’a Yehova mu milad yin yawonsu udiap kwau wa wingend-a-mushing.​—⁠2 Kor. 2:⁠17.

◼ Yom ik tufanyidina kusal pitupanina uman kusutil ku telefon, ang muntu witin anch kasotinap kand Atuman’a Yehova amutazuka kakwau?

Chifanyidin kulimish rusot ra muntu. Chifanyidin kutek chijikish chikweta dichuku dia ngond ni dijin dia muntu mu anvelope mudia kart wa teritwar chakwel anch in kulejan akez kwipuk kutazuk nimero winou mu machuku ma kurutu. Kapamp kamwing pa muvu, chifanyidin kuchirikin list wa majin ma antu ita anch kangal kuyitazuk. Mwishin mwa umutakel wa kalam’a mudimu, akutwish kuyit in kulejan akweta ukaliweny ni kujingunin kuwamp kuyendil antu inay chakwel kwijik anch kasotinap ni katat kwitiyij kuyitazuk kud Atuman’a Yehova.​—⁠Tal Mudimu Wetu wa Want wa Kafunfut 1994 Yakul ku Yipul Yen.