Ansand—Tungany Dishin Diwamp Mulong wa Chirung Chikeza Kwez
1. Ov mulong wak ufanyidinau ansand in Kristu kukudish ritiy rikash?
1 Ov chom ik chidia cha kusambish mu manangu mey? Ov utonginap nchik? Ov cha kusambish ukat kubangin pa yom yimekena, anch ukat kubangin piur pa machuku ma kurutu ni kwasin pa yom yashilayamu kal Nzamb? (Mat. 6:24, 31-33; Luka 8:14) Ritiy rikash riswiriken chakwel kusal kwambatan nich kushilamu kwa Nzamb, mud muukutwisha kuman kusutil ku chilikej cha Aburaham ni cha Moses. (Heb. 11:8-10, 24-26) Ov mutapu ik ukutwisha kukudish ritiy mud riner ni kutung “dishin diwamp ku chirung chikeza kwez”?—1 Tim. 6:19.
2. Yom ik twilejina ku chilikej cha Mwant Jozias?
2 Mukimbany Yehova: Anch ukwetany mu dijuku dien chaku cha kusal mujikit wa muspiritu, chidi cha kujikitish. Pakwez kangal kutong anch chaku chinech chikez kubudish ritiy rikash. Chakwel kutan “ronganyin ra Nzamb,” ufanyidin kumukimb Yehova amwiney. (Jinsw. 2:3-5; 1 Jins. 28:9, NW) Mwamu mwasalay Mwant nsand Jozias. Chikalap kukudil kwend mu mwikadil umwing udia ukemp nakash muspiritu, “ndiy wasambisha kumukimb Nzamb wa ngakend David” padingay uchikwet mivu 15.—2 Jins. 34:3, NW.
3. Mutapu ik mukatau ansand in Kristu nlel kumukimb Yehova?
3 Ov mutapu ik ukutwisha kumukimb Yehova? Chidi kusutil ku kushinshikin yiwitiyijina ni ‘kujingunin amwiney’ anch wawiy winou chakin kamu uyakin. (Rom 12:2) Chilikej, ov ukutwish kurumburil yilondilay Baibel piur pa mash ap kupan uman anch Want wa Nzamb wasambisha kal kuyikel mwiur mu 1914? Kwijik “uyakin” kudi kwa usey nakash ku kutung dishin diwamp mulong wa chirung chikeza kwez.—1 Tim. 2:3, 4.
4. Ov mutapu ik ukutwishay mwin kulejan wakad kubatishiu kumekesh kuya kwend kurutu?
4 Kumukimb Nzamb kud Jozias kwabudisha yibudikin yiwamp. Kurutu kwa kuwanyish mivu 20, wasala nich usu chakwel kudiosh difukwil dia makasu mwi ngand. (2 Jins. 34:3-7, NW) Chawiy chimwing, kuya kwey kurutu muspiritu kukez kumekan kusutil ku yisal yey. (1 Tim. 4:15) Anch udi mwin kulejan wakad kubatishiu, ikasikesha kuwapish mutapu wa mujikit wey. Kangal wimanyin kusu pa kupan mikand. Sal chikal rutong rey ra kusadil Baibel, kutong pamwing nau antu, ni kukudish kusanger utanina. (Rom 12:7) Chinech chikez kukukwash kukul muspiritu.
5. Yisu ik yikwetau in Kristu abatishau kal ya kujimbishin mudimu wau?
5 Mwinkany Yehova Nchen Chipandikena Kuwamp: Chisu ufanikeshina kwipan kwey kud Yehova kusutil ku dibatish, ukwikal kashalapol winkishinau mbil wa Nzamb. (2 Kor. 3:5, 6) Chinech chikutwish kukufungwil yisu ya kumusadil Yehova chisu chawonsu. Chinech chiwejidinaku kusal mudimu wa uchibol ni wa ku Betel, wa umishoner, ni mudimu wa mangand mawonsu. Njil jikwau ja kujimbish mujikit wey jidi kusutil ku kwilej rudim rikwau ap kushemunik kuya kwi ndond kudia kuswir kujim.
6 Chakin kamu, kadiap antu awonsu akutwisha kwikal tayad mulong wa yisend ya mudimu, pakwez muntu ni muntu pakach petu ukutwish kumwink Yehova nchend chipandikena kuwamp. (Mat. 22:37) Chikalap ngikadil yey, sal kumusadil Yehova kwikal rutong rey ra kusambish mu mwom wey. (Kus. 16:5) Ang wasal mwamu, ukez kwitungin dishin diwamp ku chirung chikeza kwez.
6. Ov mutapu ik tukutwisha etu awonsu kutung dishin diwamp mulong wa chirung chikeza kwez?
[Caption on page 1]
[Study Questions]