Dichirikin Dia Chikumangan Cha Pakampwil Cha Dichuku Dimwing

Malejan minam akumasadil mulong wa kuletish maku ni mulong wa dichirikin dia program wa chikumangan cha pakampwil cha dichuku dimwing cha muvu wa mudimu wa 2005. Mutu wa mulong “Ditenchik Disu dia Kuchirikin Program wa Chikumangan,” udia pa paj wa 4 wa wenjil winou, urumburil mutapu dikusadika. Chisu cha dichirikin, angan chisu chakwel kwipul yipul yawonsu. Dichirikin difanyidin kwasin pa mutapu tukutwisha kusadil malejan twilejina.

CHIKUNKU CHA PAMANCH

1. Ov, mulong wak kudi maswir majim nakash ma kumutesh Yehova? Kutesh kurumburikin ik? (“Mulong wak Kutesh Dizu dia Yehova”)

2. Mutapu ik makutwisha majuku kulam program muwamp wa mudimu wa muspiritu? (“Majuku Makata Kutesh Dizu dia Nzamb Pakad Kampuw”)

3. Mutapu ik antu adia mu munyimuku mwatanidinau ku yisu ya kupam uman wa kukashimwish. (“Salany Yom Yawonsu Mulong wa Uyaj wa Nzamb”)

4. Malejan ik tukutwisha kwilejin kusutil ku chilikej cha dibabesh chidia mu Hebereu mwimbu wa 3 ni wa 4? Ov nlel unou, mutapu ik ulondinay Nzamb kud etu? (“Kutesh Palondinay Nzamb Kukat Kutuking”)

5. Ov, mutapu ik watanidinamu ku diskur dia ubatish? (“Kwipan ni Ubatish”)

CHIKUNKU CHA KUPWA KWA MIDI

6. Yom ik tukutwisha kujingunin mu winsand wa Yesu, ni mutapu ik ukulondulau ansand adia mu munyimuku chilikej chend? (“Kuta Matu ku Dizu dia Nzamb Kuyikasikeshin Ansand Etu”)

7. Mu mitapu ik yimwing yikutwishau anvaj kusambish kuyiy an akemp ni ansand mu jinjil ja Yehova? (“An Akemp Akat Kumutesh Nzamb ni Kwilej”)

8. Mu yom ik ya pakampwil tuswiridina kuta matu kud Yehova, kud Mwanend, ni kud “Kashalapol ushinshamena ni kubabal”? (Mat. 24:45) Ov, mulong wak chidi cha ukwash kusal mwamu? (“Tutany Matu ku Malejan ma Nzamb Chisu Chawonsu”)