Dichirikin dia Chikumangan cha Munyimuku
Malejan minam akumasadil mulong wa kuletish maku ni mulong wa dichirikin dia program wa chikumangan cha munyimuku cha muvu wa mudimu wa 2005. Mutu wa mulong “Ditenchik Disu dia Kuchirikin Program wa Chikumangan cha Munyimuku ni cha Pakampwil,” udia pa paj wa 4 wa wenjil winou, rumburil mutapu dikusadika. Chisu cha dichirikin, angan chisu chakwel kwipul yipul yawonsu. Dichirikin difanyidin kwasin pa mutapu tukutwisha kusadil malejan twilejina.
CHIKUNKU CHA PAMANCH DICHUKU DIA KUSAMBISH [AP CHA KUPWA KWA MIDI]
1. Yom ik yikutukwasha kwak manangu ma winzamb?
2. Usu ik wasadinau antu adia mu munyimuku mulong wa kuyishikijin antu avud rusangu ruwamp?
CHIKUNKU CHA KUPWA KWA MIDI DICHUKU DIA KUSAMBISH [AP CHA UREL]
3. Mulong wak chidi cha usey kud Akristu kwikal ishitwila mu manangu? Chinech chitin kusal yom ik?
4. Ov, mutapu ik tukutwisha kwikal in chisambu nau akadivar netu?
5. Kwikal mwin manangu mawamp chom ik, ni mutapu ik tukutwisha kumamekesh mu kusadin kwa chisu chetu?
6. Yom ik twilejina kusutil ku chilikej cha Paul ni Nowa? Mu mitapu ik tukutwisha kumekesh anch tudi “irijekina kuziyil”? (Jak. 3:17 NW)
7. Mutapu ik ukutwishay Mukristu kwilam ku kwikal nich mashakamin maad (nduu too nduu bwi)?
8. Ov, mutapu ik tukutwisha kwimburij chilikej cha Paul mu kulejan manangu ma Nzamb?
CHIKUNKU CHA PAMANCH DICHUKU DIA KAAD
9. Mulong wak tufanyidin kubabal mu kutond midimu yitukusala, ni yom ik yikutukwasha kusal mwamu?
10. Usu ik usadiningau antu adia mu munyimuku mulong wa kuya ku yikumangan pakad kujing, ni mutapu ik wayukinau kusutil ku kusal mwamu?
11. Ov, mutapu ik yikutwisha mitu ya majuku kuyikasikesh yid ya majuku mau?
12. Maswir ik ma munyimuku matwijikishinau?
CHIKUNKU CHA KUPWA KWA MIDI DICHUKU DIA KAAD
13. Mud mwalondinau mu diskur dia patok, manangu madiokila mwiur mamekeshin midimu ik yitentamina?
14. Ov, mulong wak chidi cha usup kwichingejin ayinetu ap kuyichingejin antu akad kutakelau nich manangu ma winzamb? Mu yom ik mutuswiridina kwikal ababela?
15. Manangu ma winzamb matuchidijin ku mipit ik?
16. Ov, mulong wak chidi cha ukwash kud etu kusadil chiyul chatwinkishinau ku program wa chikumangan cha munyimuku?