Ov, Ukat Kusadil Mapaper ma Diladikij?

Dichuku dimwing mwan wa mivu 11 wanona dipaper dia diladikij padinga mutu wa mulong wa diskur wisambidina karung ka misiny. Ndiy weza kurumburil anch: “Chinech chansangaresha nakash, mulong chading chimeken mud nading ni kusal chisu chawonsu yom yiyimp, chawiy lel nova wom nakash wa kuya ni kutem mu kasu ka ruteng ang nafa.” Ndiy wakumangana ku diskur, ni piswimp kupwa kwa muvu umwing, kupwa kwa kwilej Bibil tupamp tuvud, ndiy amubatisha. Mwamu mwasambisha mudimu wa Ukristu wa Karl Klein, weza kusadil mivu yivud mud chid cha Chisak Chitakedina cha Atuman a Yehova. Yawonsu yasambisha nich dipaper dia diladikij.

Mapaper ma diladikij madandamedin kwikal yom ya mudimu yikweta usu nakash nlel. In kulejan avud amening anch kumwinkish muntu dipaper dia diladikij udi mutapu umwing uwamp wa kwiyijikish kud awiy ni kusambish minsamb. Anvaj akutwish kuyikwash anau akemp mu mudimu kusutil ku kupan dipaper dia diladikij mu mudimu wa ku chis ni chis. In kulejan apanina uman kusutil ku kufund mikand akutwish kulejan yikumangan kusutil ku kutekamu dipaper dia diladikij. Chakin kamu, mapaper ma diladikij madi mutapu umwing ufanyidina wa kuyitazuk antu akata kwilej Bibil ni akwau in kusanger kwez ku yikumangan yetu.

Ov, ukat kusadil mutapu uwamp mapaper ma diladikij mu mudimu wey wa kulejan?