Kampany wa Kwijikish mu Mangand Mawonsu Chitentam cha Distrik “Dipandish Didi Piswimp!” In Kulejan mu Chikumangen ni Chikumangen Akupan Diladikij dia pa Kampwil

¹ Kusambish mu musaj a nvul wa muvu wa 2006 Mutambu wa Kwindum ni kuya kamu djat ni pa kupwila yitentam ya distrik mu mangand, kukwikal kampany wa mangand mawonsu wa kupan diladikij dia pa kampwil dia yitentam ya distrik yikusadika mu jingand piswimp 155. Kampany winou ukwikal nich yitentam ya pa kampwil yitenchikinau chakwel yisadikina mu Alemany, Republik Chek, ni mu Polony mu Kafunfut ni rubing ra kusambish ra Kafumpul 2006.

² Mulong tushich mu chikunku cha kwinsudiel nakash cha machuku ma nsudiel, yitentam yikasikeshidina kushilamu kwa Nzamb kwa kutukwol ku mangand minam mayimp, yifanyidin kuyisangaresh nakash antu adia mu mwikadil ufanyidina. Uruu winou ufanyidin kuyibachik antu inay kushinshik yikushikena mu machuku ma kurutu. Chakwel anch tutikit ni tutikit twa antu twikala nich mutapu wa kutesh uruu wa rongoj ni ruchingej, yikumangen 98000 ni kusut ya Atuman a Yehova mu mangand mawonsu ayikasikeshin kwipan nakash mu kwijikish chitentam kuyitazukinau kuya.

³ Yikumangen akuyinkish mapaper mavud ma diladikij mulong wa mwin kulejan win mwawonsu ikala nich uvud ufanyidina wa mapaper ma diladikij 50. Mapaper ma diladikij mawonsu makwiwejinap akutwish kumasadil kud ayibol mu chikumangen. Mu chikumangen ni chikumangen, kampany ukusambish mbing jisatu kurutu kwa dichuku dia ngond dikusambisha chitentam cha distrik chikeza kukumangan chikumangen. Chinech chikutwishish kwikal nich chisu chiwanyidina chakwel kwangan diladikij mu chikunku chijim cha teritwar ap kand kumangan mu teritwar wakabuj wa chikumangen.

⁴ Atuyudil anch, anch chitwishikin, tufanyidin kupan diladikij ku chikas cha mwin chikumbu ni mwin chikumbu. Pakwez anch amwing kadiap kwolikwau tukutwish nich kubabal kusha diladikij ku chis. Tufanyidin kusal nich mushiku chakwel kwangan mapaper ma diladikij mawonsu pa chirung cha mbing jisatu.