Akutazukin Kapamp Kamwing

1. Ov, chisu ik chikusambisha kampany wa kuyitazuk antu ku chitentam?

¹ Anch wading ni kurijek yakudia ya pakampwil mulong wa dijuku ap arund, yitining mudimu ukash ni kusadil nfalang jivud mulong wa kutenchik, ukutwish kusangar pamwing ap kuyitazuk antu avud. Chilik chimwing, chitin mudimu uvud mu kurijek yakudia ya muspiritu yikezau kupan ku chitentam chidia kurutu oku. Kusambish mbing jisatu kurutu kwa kusambish chitentam chetu, Yehova utwinkishin chisend cha kuyitazuk antu akwau kwez kukumangan. Ov, chom ik chikutukwasha chakwel tuyitazuka antu avud nich musangar?

2. Ov, chom ik chikeza kutubachik kwipan nakash mu kampany winou?

² Tukwikal abachikinau kwipan nakash mu kampany anch twamekesh kusanger piur pa mutapu tukata kutaninamu nakash ayinetu ku malejan makasikeshina maletinay Yehova ku yitentam yetu. (Isay 65:13, 14) Tufanyidin kuvurik kand anch, kampany wetu wa pa muvu ukweting yibudikin yiwamp. (Tal mushet “Chikwet Yibudikin Yiwamp.”) Antu amwing tutazukina akez kukumangan pamwing netu ku chitentam, pakwez akwau kakwezap. Chikalap nchik ukwakulau antu uvud, pakwez, mudimu wetu ukash pa chisu cha kampany ukumushiman Yehova ni kumekesh muchim wend wa kupan.​—Kus. 145:3, 7; Kuj. 22:17.

3. Ov, mutapu ik ukwanganau mapaper ma diladikij?

³ Chisak ni chisak cha amakurump chifanyidin kushinshikin pa mutapu ukutwishau kwangan mapaper ma diladikij pa chisu cha kumangan, kuwejinaku mutapu wa kumasha ku yikumbu kwakad antu ap mu kupan uman wa patok mu teritwar wau. Kwinsudiel kwa jimbing magazet afanyidin kumapan pamwing ni diladikij pichitwishikina. Anch kampany wapwa, tukusanger mud ik pa kwijik anch twipanang nich musangar pamwing ni antu avud pichitwishikina inunga pamwing netu ku yakudia yiney ya muspiritu yapanay Yehova!