Program Musu wa Chitentam cha Munyimuku

Pa chirung cha nsudiel cha mangand minam makur mijondila, chidi cha usey anch tulama maswin metu ma muspiritu ni kulam untu wetu wa Ukristu. (Kuj. 16:15) Chawiy lel, mutu wa mulong “Mudjalany Muntu Musu,” wa program wa chitentam cha munyimuku cha muvu wa mudimu wa 2006, ufanyidin kamu nakash.​—⁠Kol. 3:⁠10.

Dichuku dia Kusambish: Diskur dia kusambish dia sempozium, “Tumekeshany Milad Kushalijan ya Muntu Musu,” dikwisambin mutapu kukudish untu usu kukata kutukwash mu mitambu kushalijan ya mwom wetu. Mutapu ik tukata kukudish untu usu? Chipul chinech akuchishinshikin mu madiskur maad ma nsudiel ma dichuku dia kusambish, “Ipupa Chakwel kwikal Nich Kutongijokin Kufanyidina” ni “Mafundish Makata Kuwumb Untu Usu.”

Dichuku dia Kaad: Akushinshikin piur pa usu ukweta untu usu mu kusadil kwetu kwa rudim mu diskur dia kaad dia sempozium, “Tukudishany Rudim ra Antu Akweta Manangu.” “Ov, Ukat Kumupandakan Muntu Muyimp?” wawiy mutu wa mulong wa diskur dia pibur, diskur dikwisambina maswir ma kubabel mipit ya Satan. Madiskur maad ma nsudiel ma chitentam, “Ilama Pakad Chitaj ku Mutambu wa Mangand” ni “Dichuku ni Dichuku Twikadishany Muntu wa Mukach Musu” makez kutukwash kwipuk yitong ni ngikadil yidia chinyim ni jinjil jitentamina ja Nzamb ni kushal ashinshamena mu difukwil dietu kud Yehova.

Tuchingedin kamu nich impu kutambul dikasikesh dined dia kudjal ni kulam untu usu.