Yakudia ya Atushalapol a Kristu
1. Ov, dirijek ik diasambisha mu muvu wa 1938, ni diadinga ni rutong ik?
1 Mu muvu wa 1938, dirijek dia Yehova diasambisha ditenchik disu. Yisak ya yikumangen ayitazuka chakwel yiya ku chitentam cha munyingumuku. Ov, nich rutong ik? Jurnal wa jinsangu wa mu muvu wa 1939 (utazukinau katat anch Mudimu Wetu wa Want) wakula anch: “Yitentam yiney yidi chikunku cha Dirijek dia Uteokras dia Yehova mulong wa kutakel mudimu wend wa Want.” Yany yidiokilaku ku chitentam chinech yidi ya usey kudiay muntu ni muntu chakwel muntu ni muntu asala nawamp chisend chend chimwinkishinau. Pa chisu tushinshikidina wenjil udia in kulejan a want, mu muvu wa 1938, uvud wa in kulejan a Want wadinga kusu wa antu 58000 djat ni 7000000 mu muvu wa 2009, uvud winou umekeshin anch yitentam ya minyingumuku yiwanyishin rutong ray ra kukwash in kulejan chakwel “asalang mudimu wau”!
2. Rusangu ik rikezau kutulej ku chitentam chetu cha munyinguku piur pa muvu wa mudimu usu?
2 Mutu wa Mulong wa Muvu Ukwezap: Tukat kutal kurutu program wa chitentam cha munyingumuku chisambishininga pa Mwinses pamwing ni dikasikesh chikeza kutuletin. Mutu wa mulong ulondil anch: “Kiudianyap a Mangand” udiokidil mu mukand wa Yohan 15:19. Ov, misu mamwing ma ku madiskur makeza kamu kuyisangersh atushalapol a Kristu? Diampos tukez kutesh diskur dilondila anch “Mutapu ik Utuchidijina Mudimu wa Chisu Chawonsu?” Tukez kusanger kand diskur sempozium dia yikunku yisatu dikweta mutu wa mulong ulondila anch: “Kangal Walikany Akwamburikinany kudi . . .” “Nnam wa mwisuku,” “Mband mujim wa usund”ni “Ngend a Mushing Muyimp.” Diarubing tukez kutesh sempozium ukweta mutu wa mulong ulondila anch “Mukatany Yehova, Pikil Kukat Mangand.” Kuwejinaku ni madiskur mudi “Dandamenany ‘mudi Angendj ni Eny’” ni “Ikasikeshany! Ukutwishany Kupandakan Mangand.”
3. Ov, yibudikin ik tukutwisha kutambul anch twaya kukumangan ku chitentam cha munyingumuku?
3 Kupwa kwa kukumangan ku chitentam chisu cha munyingumuku, nambaz umwing wadinga walika kal kusal mudimu wa kulejan wafunda anch program winou wasala chakwel ashinshikin kand mikadil yend ni ikal nich ruchingej ra “kuya mu mudimu wa kulejan ni kulik kushakam pol chamwamu!” Pakad ntad, program wa chitentam cha munyingumuku piur pa muvu wa mudimu usu ukez kukwash antu awonsu a mukach mwetu chakwel amukata Yehova kupandakanamu mangand. (1 Yoh. 2:15-17) Ikalany nich kashinsh anch ukez kwikalanyaku pamwing ni kutesh nawamp kand chakwel utaninanamu yom yivud ya rukat yidiokidila kudi atushalapol a Kristu!