BIBLIOTEK Udia pa Kapend
BIBLIOTEK
UDIA PA KAPEND
Uruund
  • BIBIL
  • MIKAND
  • YIKUMANGAN
  • km 4/08 p. 6
  • Yakul ku Yipul Yen

Kwikil video ukimbina

Video winou umukimbinap amboku nawamp.

  • Yakul ku Yipul Yen
  • Mudimu Wetu Wa Want—2008
  • Yom Yifanakena
  • Yivurikany Antu Adia mu Yikumbu ya Kuyilamin Amapal
    Mudimu Wetu Wa Want—2014
  • Wa Panrend Pakwez Kamuvuramedinap
    Chinong cha Kalam Chilejen Want wa Yehova—2008
  • Ukwash kud Ansalamudimu a ku Opital Arishina ni Yakamish
    Uman wa Atuman a Yehova
Mudimu Wetu Wa Want—2008
km 4/08 p. 6

Yakul ku Yipul Yen

◼ Ov, chiwapin kud Kaman wa Yehova iyokishina ku rupital ap amulamina ku chikumbu cha kuyilamin amapal yitakedinau kud ditenchik dia chirelijon?

Yirijek ya ma rupital kushalijan ma relijon ap yikumbu ya kuyilamin amapal yiyokina ap antu akweta misong ya machuku mavud. Chisu chivud, yikumbu yiney kayitenchikap kwau mulong kamu wa yisakin ya Babilon mujim. (Kubur. 18:2, 4) Relijon ukutwish wayitung yikumbu yiney mulong wa kwisak nfalang. Nlel unou marupital mamwing mashadila majin kusu anch madi ma relijon kanang, oku makwau kudi yid yikemp kusu ya relijon yimatakedina.

Chawiy anch Kaman wa Yehova wakimb kuya ku rupital ap ku chikumbu cha kuyilamin amapal, ufanyidin kukwat mupak wend amwinend anch ukuya ap bwat ku chikumbu cha chitenchik cha relijon. Kom ka muntu umwing kakutwish kumubachik kusal mwamu, pakwez kom ka muntu mukwau kakumukangesh. (1 Tim. 1:5) Kudi yishiken yikweta usu pa mupak wa muntu, ni chidi chiwamp kuyishinshikin bil.

Chilakej, mu teritwar mukutwish mwikal rupital rimwing kusu ap chikumbu chimwing kusu cha kuyilamin amapal chipidilau dijin dia relijon. Ap anch kudi kand rupital rukwau piswimp, pakwez nirawiy aritakedil kudi relijon ukweta ntumb ya kwokan nawamp. Rupital riner rikweta dijin dia relijon rikutwish rikal rawiy rimwing kusu rikutwisha kwokan mu mulad kanang utuswiridina, ap rikutwish rikal rawiy rupital rimwing kusu rikutwishay dokter wey kukwokin. Chikwau kand, yisu yimwing marupital mamwing matakedinau kudi ma relijon makutwish malimish yitongijok yey mudi mwin Kristu piur pa kusadil mash, oku marupital mamwing ma antu ap ma guvernema makutwish malik kulimish yitongijok yey. Yiney yawiy yom yiufanyidina kushishikin pa chisu ukwatina mupak wa kwisu ku ukuya.

Chad anch wakwat mupak wa kuya ku rupital ap chikumbu cha kuyilamin amapal chitakedinau kud relijon, ufanyidin kwijik anch akusadidin mudimu ni ukuyifut nfalang. Ufanyidin kand kuman mud anch ditenchik dined dia relijon disakin, ni kusot kwey anch akusadil midimu yiney kurumburikinap anch ukat kupan mulambu mulong wa kukwash relijon wa makasu. Ukwikal ufutin kwey mulong wa mudimu ukusadidilau.

Chakin kamu, mudi mwin Kristu, mu yishiken mudi yiney ufanyidin kushinshikin anch kangal wiyandjik mu yisal ya difukwil da makasu. Chikwau kand, kiufanyidinap kusadin majin ma chirelijon mud “Tatuku [ Mon père]” ap “Manser” kud muntu usadinaku mudimu ap ezina ni kutal chikumbu. (Mat. 23:9) Ufanyidin kuman kwey anch yom yiney yidi kamu yitenchik ya kwisakin nfalang mu kwokidinau, kwapwa kwau kwikil chom chikwau.

Anch akwandjik mu rupital, ufanyidin kuyilej anch udi Kaman wa Yehova ni anch ukwet kand kuswir kwa kukwendin kudi amakurump a chikumangen. Chawiy chikushinshikinau anch akukwashin kamu nawamp muspiritu mu chisu ushicha kwinikwa.—1 Tes. 5:14.

Anamakwey in Kristu, amakurump a chikumangen chen ni antu akwau a mu chikumangen afanyidin kubangin maswir ma muspiritu ma akadivar ni anambaz amapal ashicha mu yikumbu ya kuyilamin amapal, pakampwil anch ayitakedin kud ditenchik dia relijon. Kwikal ababela pa mulong mudi winou kudi kamu kwa kuyikasikesh nakash amapal inay ni kukutwish kwayichidij ku kwiyandjik pakad kuchingejin mu midimu ya chirelijon, kusal misambu ap kand mijikit mudi yiney yisadikina mu yikumbu yiney.

Nich yitongijok yiney mu manangu, umwing ni umwing wetu ukushinshikin mikadil yawonsu yikwachikinaku ni ukukwat mupak wend amwinend piur pa ku rupital ik ap ku chikumbu ik cha kuyilamin amapal kukuyay.—Gal. 6:5.

    Mikand ya Uruund (1999-2025)
    Budik
    Andam
    • Uruund
    • Kwangan
    • Yom ukatina
    • Copyright © 2025 Watch Tower Bible and Tract Society of Pennsylvania
    • Mbil ja Kusadin
    • Mbil ja Ujindj
    • Paramètres de confidentialité
    • JW.ORG
    • Andam
    Kwangan