Kwirijek—Kudi kwa Usey Mulong wa Kuchirikinamu Kusongina Mabuj
1. Mu chilik ik wapalangana mudimu wa Ukristu wa kusambish?
1 Yesu wayifumba in kwilej end chakwel ikal in kulejan ayifuvu a “rusangu ruwamp ra want.” (Mat. 4:23; 9:35) Wayifumbina ku kateritwar kakemp ka mu Palestin. Pakwez, kurutu akandama mwiur, Yesu wijikish anch mudimu wa Ukristu akez kuupalangesh mu chilik cha kuyikadish antu a “michid yawonsu . . . in kwilej.”—Mat. 28:19, 20.
2. Mu kuziyil kwi mbil ya Yesu ya ‘kuyikadish in kwilej’ mudi ik?
2 Mu mudimu winou mudi kuyichirikin antu amekeshang kusanger mu rusangu ruwamp ra Want wa Nzamb ni kuyilej kusal yom yawonsu yalejanay Kristu. Chakwel anch kuchirikinamu kwinoku kusongina mabuj, tuswiridin twirijeka nawamp.
3. Ap anch kawiy kapamp ka kusambish, mutapu ik ukutwisha kwazuril njil ya kuchirikinamu?
3 Sambelany Kwirijek: In kulejan amwing asadiling usu wau wawonsu kwipul chipul kwisudiel kwa mambamb mau ma kusambish ni kushilamu kuchirik kwez kwisambin chakul. Eza kutan anch kwisambin pa jinsangu jidia mu buku Chifundishinay Bibil pakwezau kuyichirikin kwayikwashin kal kusambish dilejan dia Bibil.
4. Ov, mulong wak kitufanyidinap kuchingel ching tutambula magazet masu chad lel tumuchirikina muntu?
4 Ap anch tukwet ching kusu magazet ma ngond ni ngond kichirumburikinap anch tuchingela djat ni pitukeza kutambwil magazet ma ngond wezinaku chad tumuchirikin lel muntu. Chitwishikin tulangwisha maku ma muntu chakwel asangera jinsangu jidia ap mu magazet makwetay.
5. Kwikal nich rutong mu manangu kudi kwa usey ik?
5 Ikalany Nich Rutong: Kurutu kwa kuchirik, itekinany minit yikemp chakwel ushinshikinany yiwafundanya ni ukwatany mupak wa chiusotilanya kusal. Chilakej, isambinany dinans didia mu mukand wamushilanya. Ap mushila mukand piukeza kwisambinany. Anch wamwipula paweza, rutong rey rikwikal ra kukwal chipul chinech. Pitukasikeshidina mufund wisambidina mulong utwisambina, salany usu wa kuutang mu Bibil.
6. Rutong retu pitukata kuchirikinamu ridi rutong ik?
6 Rutong Retu ra Kusambish: Chakin, rutong retu ridi kusambish dilejan dia Bibil. Mukadivar wasota kusambish dilejan dia Bibil pachirikay, pakwez ikundj winiwa walika. Mukadivar wamuchirikina nich magazet masu ni walonda anch: “Ilel twakwil ku chipul chimwing chiyipwilau antu piur pa Bibil, chawiy twezinang.” Kupwa kwa kutesh yirumburil ya ikundj winou, mukadivar watanga mufund umwing ni paragraf uurumburila mu buku usadidilau mulong wa malejan ma Bibil. Chom chinech chishikijining ku dilejan dia Bibil diakad kujing.
7. Ov, kwirijek nawamp kukukwashining nchik kusambish dilejan dia Bibil?
7 Chitining usu chakwel kwitekin chisu cha kwirijek mulong wa kuchirikinamu. Tukez kusangar nakash, ni tukez kwitapil dilau dia kumukwash muntu udia “mu mwikadil ufanyidina” kutambul mwom.—Midimu 13:48.