Tuyikwashany ‘Antu Adia mu Mwikadil Ufanyidina’
1. Ov, anany ikumangejidinay Yehova mu machuku metu manam?
1 Muntu win wawonsu ukwet mwikadil ushindamedina nakash mu muchim wend wa chifanikesh. (Mat. 12:35) Baibel wisambidin muntu ukweta “njit mu muchim wend.” (Kus. 55:21) Amwing akwet “ujim.” (Jinsw. 29:22) Pakwez kudi kand antu adia “mu mwikadil ufanyidina kutambul mwom wa chikupu.” (Midimu 13:48, NW) Mu machuku metu manam, Yehova ukat kwikumangejin antu inay adia mu mwikadil ufanyidina. (Hag. 2:7) Ov, mutapu ik tukutwisha kuyikwash ikal in kumwifukwil Yehova?
2. Chom ik chikwachikina mu kuwanyish mudimu wetu wa kwikadish in kwilej?
2 Chirikinamu Nich Mushiku: Kwikal nich chitongijok chiwamp cha kuchirikinamu chidi cha usey chakwel kuwanyishin mudimu wetu wa kwikadish in kwilej. (Mat. 28:19, 20) Ov, tukweting mushiku wa kulondul swa kusanger twamena? Ov, tukat kuyichirikin kand antu awonsu atambwila mukand ap asangeridina rusangu ruwamp? Ov, tukat kudandamen kuyikwash chakwel akula mu spiritu? Mulong mwom ukwachikin, tufanyidin etu awonsu kukudish kusanger twamena.
3. Chom ik tufanyidina kusal kupwa kwa kwisamb ni muntu mu mujikit?
3 Chisu yichidia minsamb mu manangu ma muntu wasangera, itekina chisu cha kufund dijin diend ni adres wend. Fund yiwisambinanya, mifund yiwatanginanya, ni mukanda washa. Kupwa, vurik kuchirik swa pichitwishikina.
4. Ov, mutapu ik tukutwisha kusal kuchirikinamu kusu kusongina?
4 Salany Kuchirikinamu Kusu: Piukata kuchirikinanyamu, chiwapining kwikal in kuzangurok ni urund ni kumekesh kumusanger mwin chikumbu. Salany minsamb yikal yiswapela ni yimanyidina pa Mifund. Rijekany rusangu ra Baibel risangareshina ra kwisambin, ni kwisudiel kwa minsamb, langwish chipul chiukeza kwakul piukweza kand chisu chikwau. Chiwapidil kwipuk kupwitijadin pa yipul yamwamu yakad kwambatan nich mifund yikutwishay kulangwish mwin chikumbu. Pakishany kukasikeshin pa yom yiwovijadinany en awonsu.—Kol. 4:6.
5. Usu ik wasalay chibol umwing, ni kwamekana yibudikin ik?
5 Kuchirikinamu kusu kwitin kusal usu, pakwez yibudikin yisangareshining. Chibol umwing mu Japon witekina rutong ra kusal kuchirikinamu kusu ngond ni ngond. Wasambisha kuyifund antu awonsu atanay mu mudimu wa kulejan ku chikumbu ni chikumbu, ni mu machuku sambwad, wayendina kand kakwau. Warijeka nawamp yikulonday ni wasala mudimu wend nich kashinsh ka uruu wadingay nich. Mu kuchirikinamu kumwing, watwisha kusambish dilejan ni muntu umwing walonda anch: “Nikat kulikang kwingedin kud en. Kawiy kapamp ka kusambish natesha kal.” Kudandamen kwa rukat kwa chibol kwaleta yibudikin yiwamp. Kwisudiel kwa ngond wapana rapor wa malejan ma Baibel dikum.
6. Ov, mulong wak tufanyidina kudandamen kusal kuchirikinamu kusu?
6 Mwikadil wa antu ukat kukarumuk chisu ni chisu. (1 Kor. 7:31) Chitining kusal usu chakwel kumutan muntu usangaredina kol kwend. Ku kuchirikinamu kwetu kusu nich mushiku, tukutwish kuyikwash antu adia mu mwikadil ufanyidina kutan njil yitwadila ku mwom wa chikupu.—Mat. 7:13, 14.
[Caption on page 1]
[Study Questions]