Yitenchik ya Kutukwash Kwiyep Mash

In kulejan abatishau kal izwishina kal pakur kart “ Instructions médicales prévisionnelles “ ap Document d’identité médical pakad kumufund dichuku dia ngond ku mashiny ap 3/99 pakad dichuku dia ngond kakezap kwizwish musu muvu unou. Ku Chikumangan cha Mudimu cha rubing ra Kachirikin 29, kalam’a ujindj ufanyidin kwikal nich uvud uwanyidina wa makart mulong wa in kulejan asu abatishau, anau, ni mulong wa antu asotina kuswinkesh kart musu. Kakezap kuyitumin yikumangen yom yiney. Anch chikumangen chikwetap makart mavud, kalam’a ujindj ukutwish kwipol ku yikumangen yidia piswimp ap kumit mavud nich fomu wa kwitin mikand ulondwilaku.

Chifanyidin kumizwish nawamp makart kwol kwen pakwez KANGAL kutekaku sinyatir. Ku Dilejan dia Buku dia Chikumangen dilondwilaku, kwawiy kufanyidina kwez kutek masinyatir ku makart, nau atuman, ni dichuku dia ngond, nich ukwash anch chiswiriken wa kalam’a dilejan dia buku. Atuman afanyidin chakin kamu kuman sinyatir wa mwin kart.

In kulejan akad kubatishiu akutwish kwifundin ayinau umutakel winou ni mulong wa anau nich kulondwirish yidia pa kart “ Instructions médicales prévisionnelles “ ni Document d’identité médical.