Kampany wa Kupan Diladikij dia Chivurikish Ukusambish pa Rish 22

Muvu winou kampany wetu wa kuyitazuk antu akwau chakwel eza kukumangan ku Chivurikish ukusambish Diampos pa Rish 22. Ayikasikeshin in kulejan awonsu chakwel ipana nakash mu kampany winou. Pa kupwa kwa jimbing, tukez kupan kand magazet masu mafanyidina pa yisu yin yang. Diampos dia rubing ra kusambish pa Ndol, tukez kushinshikin pa mutapu wa kupan maladikij pa ndond pa kusambish malejan ma Bibil. Pakwez, anch twatanijan ni muntu umekeshina musangar wa pakampwil, tukutwish kupakish kusambish dilejan dia Bibil. Kalam wa mudimu ukutwish kutenchik anch kwangan maladikij kusutil ku kupan uman wa patok kukutwish kukwash chikumangen chakwel chitana antu avud adia mu teritwar wach. Chakwel tuyitazuka amutej netu ni anamakwetu a kumujimbu, ambay netu a mudimu, ambay netu a ku shikol ni antu amekesha musangar chakwel niyau eza akumangana netu, fund katat list wa majin ma antu usotina kutazuk ni yinkisha diladikij chisu chikusambisha kampany. Tuchingejin anch antu avud akez kwinung netu pitukuvurika yisal yijim yaad ya rukat.​—Yoh. 3:16; 15:13.