Tukudishany Ukaliweny Wetu mu Mudimu wa Kulejan—Kwakul ku Yikangesh Minsamb

Chidi cha Usey: Tongin bil anch wij kamu anch mar ma chitangil madi piswimp ni kushik. Antu akez kufa anch alik kuyiking. Uyil ku chikumbu cha mutej ney chakwel umubabesha, pakwez ndiy wakukaturij kapamp kamwing ni walond anch ukwatiken nakash. Chakin kamu, ukutwishap kulik kapamp kamwing kusal usu wey wa kumukwash! Antu avud a mu teritwar wetu alikining kututesh pakad kushinshikin pa usey wa uruu wetu upandishininga mwom. Pa chisu tuyichirikidina antu, pamwing ap awiy akwatiken nakash. (Mat. 24:37-39) Pamwing ap ikala kal nich kasolikany kusutil ku makasu ma antu. (Mat. 11:18, 19) Akutwish kutong anch tushalijadiningap nich marelijon makata kusong dibuj diyimp. (2 Pita 2:1, 2) Anch pa kapamp ka kusambish, mwin chikumbu kasangaredinap, tufanyidinap kumulik swa.

Mutapu wa Kusadil:

Pamwing ap ukutwish kusal mwamu kusutil ku kumujikitish. Chilakej, anch walond anch, ndiy ukwet relijon wend, ufanyidin kwakul anch: “Nachingelang kutan muntu mudi ey usangaredina yom ya muspiritu.” Yisu yimwing kwijik yovil ni mashakamin ma mwin chikumbu yikez kukukwash chakwel udandamena kupan uman. Chilakej, anch walond anch ukwatiken nakash, ey ukutwish kulond anch: “Natesh kal. Pakwez, kurutu kwa am kuya, nisotil kukwinkish chom chinech.” Chitongijok chikwau chidi cha kwipul chipul anch mwin chikumbu walond anch kasangaredinap. Ukutwish kulond anch: “Ov, ukimbin kulond anch usangarediningap Bibil, ap anch usangarediningap relijon mwin mwawonsu?”
Vurik anch Yehova kakatap kumushindil muntu chakwel amutesha. (Kuv. 30:19) Muntu mwin mwawonsu ufanyidin kusend chisend chend cha muspiritu amwinend. (Gal. 6:5) Anch mwin chikumbu uchinchikin, chiwapidil kumulik. Kusutil ku kumekesh kalimish mulong wa yovil yend, tukutwish kufungul chis chakwel mwin kulejan mukwau eza kutan mutapu wa kumwinkish uman mu machuku ma kurutu.—1 Pita 3:15.

Pakish Kusal Mwamu pa Ngond: